ଅଙ୍ଗନବାଡ଼ି କେନ୍ଦ୍ର ଚଳିତ ମାସ ୩୧ ଯାଏ ବନ୍ଦ
ଅଙ୍ଗନବାଡ଼ି କେନ୍ଦ୍ର ଚଳିତ ମାସ ୩୧ ଯାଏ ବନ୍ଦ
admin
2838
ଭୁବନେଶ୍ୱର: କୋଭିଡ-୧୯ କଟକଣା ଯୋଗୁଁ ରାଜ୍ୟର ସମସ୍ତ ଅଙ୍ଗନବାଡ଼ି କେନ୍ଦ୍ର ଗୁଡ଼ିକ ଚଳିତ ମାସ ୩୧ ଯାଏ ବନ୍ଦ ରଖିବାକୁ ସ୍ୱତନ୍ତ୍ର ରିଲିଫ କମିଶନରଙ୍କ ତରଫରୁ ନିଦେ୍ର୍ଧଶନାମା ଜାରି ହୋଇଛି । ଅଙ୍ଗନବାଡ଼ି କେନ୍ଦ୍ର ଗୁଡ଼ିକ ବନ୍ଦ ଥିବାରୁ ଶିଶୁ ବିକାଶ ଯୋଜନାରେ ଗର୍ଭବତୀ, ପ୍ରସୂତି ମହିଳା ଏବଂ ଶିଶୁଙ୍କ ଅତିରିକ୍ତ ପୁଷ୍ଟିସାଧନ ପାଇଁ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ବିଭାଗ ଦ୍ୱାରା ଯୋଗାଇ ଦିଆଯାଉଥିବା ଟେକ ହୋମ ରାସନ (ଟିଏଚଆର) ବଣ୍ଟନ ପ୍ରକି୍ରୟା ନିୟମିତ ଭାବେ ଜାରି ରହିଛି । ଅଙ୍ଗନବାଡ଼ି କର୍ମୀମାନେ କୋଭିଡ ନିୟମାବଳୀର ଅନୁପାଳନ ପୂର୍ବକ ହିତାଧିକାରୀଙ୍କ ଘରେ ଶୁଖିଲା ରାସନ ବଣ୍ଟନ କରିଛନ୍ତି । ଅଙ୍ଗନବାଡ଼ି କେନ୍ଦ୍ର ଗୁଡ଼ିକ ବନ୍ଦ ଥିବାରୁ ପ୍ରକା ବିଦ୍ୟାଳୟ ଶିଶୁମାନଙ୍କୁ ମଧ୍ୟ ରନ୍ଧାରନ୍ଧି ଖାଦ୍ୟ ବଦଳରେ ଶୁଖିଲା ରାସନ ବଣ୍ଟନ କରାଯାଇଛି । ସୁନ୍ଦରଗଡ଼ ଓ କେନ୍ଦୁଝର ଜିଲ୍ଲାର ପ୍ରାକ ବିଦ୍ୟାଳୟ ଶିଶୁଙ୍କ ଶୁଖିଲା ଜଳଖିଆ ବାବଦକୁ ମାଣ୍ଡିଆ ଚୂନା ଏବଂ ଲଡୁ ପ୍ରସ୍ତୁତ କରି ଶିଶୁମାନଙ୍କୁ ଖୁଆଇବା ନିମନ୍ତେ ମା’ଙ୍କୁ ପରାମର୍ଶ ଦିଆଯାଇଛି । ଶୁଖିଲା ରାସନ ବାବଦକୁ ଛତୁଆ ବାଦାମ ଲଡୁ, ଚିକି, ଅଣ୍ଡା ଆଦି ବଣ୍ଟନ କରାଯାଉଛି ।
