ଅଶ୍ୱିନୀ ବୈଷ୍ଣବ ବିଜେପି ପ୍ରାର୍ଥୀ, ବିଜେଡ଼ି କରିବ ସମର୍ଥନ
ଅଶ୍ୱିନୀ ବୈଷ୍ଣବ ବିଜେପି ପ୍ରାର୍ଥୀ, ବିଜେଡ଼ି କରିବ ସମର୍ଥନ
admin
4938
ଭୁବନେଶ୍ୱର : ଅଟଳ ବିହାରୀ ବାଜପାୟୀଙ୍କର ପୂର୍ବତନ ବ୍ୟକ୍ତିଗତ ସଚିବ ଅଶ୍ୱିନୀ ବୈଷ୍ଣବ ଆଗାମୀ ନିର୍ବାଚନରେ ବିଜେପି ପ୍ରାର୍ଥୀ ହେବେ । ଓଡ଼ିଶାରୁ ହିଁ ସେ ନିର୍ବାଚନ ଲଢ଼ିବେ । ତାଙ୍କୁ ବିଜେଡ଼ି ସମର୍ଥନ କରିବ । ଏନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ସ୍ୱରାଷ୍ଟ୍ର ମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା କଥା ହୋଇଥିଲେ ବୋଲି ନବୀନ ସୂଚନା ଦେଇଛନ୍ତି ।
ସଂଧ୍ୟାରେ ବିଜେଡ଼ି ରାଜ୍ୟସଭା ପାଇଁ ୩ ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିଲା । ଦଳର ମୁଖପାତ୍ର ସସ୍ମିତ ପାତ୍ର, ଆଇଟି ସେଲ ମୁଖ୍ୟ ଅମର ପଟ୍ଟନାୟକଙ୍କ ସହ ଅଶ୍ୱିନୀ ବୈଷ୍ଣବଙ୍କ ନାମ ଘୋଷଣା କରିଥିଲେ ନବୀନ । ତେବେ ଅଶ୍ୱିନୀଙ୍କ ପ୍ରାର୍ଥୀତ୍ୱକୁ ନେଇ ଜୋରଦାର ଚର୍ଚ୍ଚା ହୋଇଥିଲା । ଭାରତୀୟ ଜନତା ପାର୍ଟି ଅଶ୍ୱିନୀ ବୈଷ୍ଣବଙ୍କୁ ରାଜ୍ୟସଭା ପ୍ରାର୍ଥୀ କରିବ ବୋଲି ଘୋଷଣା କରିଥିଲା । ଫଳରେ ଅଶ୍ୱିନୀ ବୈଷ୍ଣବ କେଉଁ ଦଳର ବୋଲି ଚର୍ଚ୍ଚା ହୋଇଥିଲା । କିନ୍ତୁ ପରେ ନିଜେ ନବୀନ ଚର୍ଚ୍ଚାର ଅବସାନ ଘଟାଇଥିଲେ । ଅଶ୍ୱିନୀଙ୍କୁ ତାଙ୍କ ଦଳ ସମର୍ଥନ କରିବ ବୋଲି ନବୀନ କହିଥିଲେ ।
