ଆମେରିକାର ଚିକାଗୋରୁ ଭୁବନେଶ୍ୱର ଆସିବ ବିମାନ ।
ଆମେରିକାର ଚିକାଗୋରୁ ଭୁବନେଶ୍ୱର ଆସିବ ବିମାନ ।
admin
2207
ଆମେରିକାର ଚିକାଗୋ ସହରରୁ ଭୁବନେଶ୍ୱର ଆସିବ ବିମାନ । ବନେ୍ଦ ଭାରତ ମିଶନ-୨ରେ ଏୟାର ଇଣ୍ଡିଆ ବିମାନ ଚିକାଗୋ ସହରରୁ ଭୁବନେଶ୍ୱର ଆସିବ । ଆମେରିକାରେ ଫସିଥିବା ଭାରତୀୟଙ୍କୁ ଆଣି ଏହି ବିମାନ ଆସିବ । ମେ ୧୬ରୁ ୨୨ ମଧ୍ୟରେ ଏହି ବିମାନ ଆସିବାକୁ ଥିବାବେଳେ ନିର୍ଦ୍ଧିଷ୍ଟ କେଉଁ ଦିନ ଆସିବ ସେ ସମ୍ପର୍କରେ କିଛି ଜଣାପଡ଼ିନାହିଁ । ଚିକାଗୋରୁ ଦିଲ୍ଲୀ ଦେଇ ଏକ ସ୍ୱତନ୍ତ୍ର ବିମାନ ଭୁବନେଶ୍ୱର ଆସିବ । ଅନ୍ୟପକ୍ଷରେ ୧୯ରେ ଦୁବାଇରୁ ଓ ୨୦ରେ କ୍ୱାଲାଲୁମ୍ପୁରରୁ ବିମାନ ଭୁବନେଶ୍ୱର ଆସିବ ବୋଲି ଜଣାଯାଇଛି ।
ପ୍ରକାଶ ଯେ, ବିଦେଶରେ ଫସିଥିବା ଭାରତୀୟମାନଙ୍କୁ ଦେଶକୁ ବିମାନ ଓ ଜାହାଜରେ ଆଣିବା ଲାଗି କେନ୍ଦ୍ର ସରକାର ବନେ୍ଦ ଭାରତ ମିଶନ ଆରମ୍ଭ କରିଛନ୍ତି । ଏହି ମିଶନର ଦ୍ୱିତୀୟ ପର୍ଯ୍ୟାୟ ଆସନ୍ତା ୧୬ ତାରିଖରୁ ଆରମ୍ଭ ହୋଇ ୨୨ ତାରିଖ ପର୍ଯ୍ୟନ୍ତ ଚାଲିବ । ୩୧ଟି ଦେଶରୁ ଏହି ସମୟରେ ପ୍ରବାସୀଙ୍କୁ ଦେଶକୁ ଅଣାଯିବ । ମୋଟ ୧୧୪ଟି ବିମାନ ଏହି କାର୍ଯ୍ୟ କରିବ ବୋଲି ଜଣାଯାଇଛି ।
