ଏନ୍ କାଉଣ୍ଟର୍ରେ ଆତଙ୍କବାଦୀ ଜାକିର ମୁସା ନିହତ
ଏନ୍ କାଉଣ୍ଟର୍ରେ ଆତଙ୍କବାଦୀ ଜାକିର ମୁସା ନିହତ
admin
2956
ଶ୍ରୀନଗର: ମୋଷ୍ଟ୍ ଓ୍ଵାନଟେଡ୍ ଆତଙ୍କବାଦୀ ଜାକିର ମୁସା ଗୁରୁବାର ଦିନ ନିହତ ହୋଇଛି। ଦାଦସର ଗାଁରେ ଜାକିର ମୁସା ଏବଂ ତା’ର ସହଯୋଗୀମାନେ ଉପସ୍ଥିତ ଥିବାର ସୂଚନା ପାଇ ସେନା, ପୁଲିସ ଓ ସିଆର୍ପିଏଫ୍ ସନ୍ଧ୍ୟା ସମୟରେ ଅଭିଯାନ ଆରମ୍ଭ କରିଥିଲେ।
ଆତଙ୍କବାଦୀଦ୍ବୟ ଲୁଚି ରହିଥିବା ଘରକୁ ଯବାନମାନେ ଘେରିଯିବା ପରେ ଆତଙ୍କୀମାନେ ଗୁଳି ଚାଇଥିଲେ। ଫଳରେ ସେଠାରେ ଯବାନ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଚାଲିଥିଲା। ଏଥିରେ ମୁସା ଓ ତା’ର ସହଯୋଗୀ ନିହତ ହୋଇଥିଲେ। ଏହି ସମୟରେ ସ୍ଥାନୀୟ ଅଞ୍ଚଳର ୨୦ରୁ ଊର୍ଦ୍ଧ୍ଵ ଯୁବକ ଘଟଣାସ୍ଥଳକୁ ମାଡ଼ି ଆସିଥିଲେ। ପୁଲିସ ସେମାନଙ୍କ ଉପରକୁ ଟିୟର ଗ୍ୟାସ୍ ମାଡ଼ କରିଥିଲା। ଏହାକୁ ନେଇ ସେଠାରେ କିଛି ସମୟ ପାଇଁ ସ୍ଥାନୀୟ ଯୁବକମାନଙ୍କ ମଧ୍ୟରେ ସଂଘର୍ଷ ସୃଷ୍ଟି ହୋଇଥିଲା।
ମୁସା ନିହତ ହେବା ପରେ କୌଣସି ଅଘଟଣ ଆଶଙ୍କା କରି ପ୍ରଶାସନ ପକ୍ଷରୁ ଦକ୍ଷିଣ କାଶ୍ମୀର ଏବଂ ଶ୍ରୀନଗରରେ ଶୁକ୍ରବାର ଇଣ୍ଟରନେଟ ସେବା ବନ୍ଦ କରିଦିଆଯାଇଛି। ସ୍କୁଲ ଏବଂ କଲେଜଗୁଡ଼ିକୁ ବନ୍ଦ ରଖିବାକୁ ନିର୍ଦେଶ ଦିଆଯାଇଛି। ଜାକିର ରଶିଦ ଭଟ ଓରଫ ଜାକିର ମୁସା ୨୦୧୩ ରେ ୧୯ ବର୍ଷ ବୟସରେ ଆତଙ୍କବାଦୀ ସଙ୍ଗଠନରେ ଯୋଗ ଦେଇଥିଲା।
