କଂଗ୍ରେସର ‘ଅମର, ଆକବର, ଆନ୍ଥୋନି’

Nov 26, 2020 - 05:59 Updated: Nov 26, 2020 - 05:59

2557

ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରାଗାନ୍ଧି ଏବଂ ରାଜୀବ ଗାନ୍ଧିଙ୍କ ସମୟରୁ ବରିଷ୍ଠ କଂଗ୍ରେସ ନେତା ଅହମ୍ମଦ ପଟେଲ କଂଗ୍ରେସର ଜଣେ ପ୍ରମୁଖ ରଣନୀତିକାର ଥିଲେ । ତେବେ କରୋନା ସହ ଲଢେ଼ଇ କରି ଜୀବନ ଯୁଦ୍ଧରେ ହାରି ଯାଇଥିବା ଅହମ୍ମଦ ପଟେଲଙ୍କ ସହ ତାଙ୍କ ସହ କର୍ମୀ ଅରୁଣ ସିଂହ, ଓସ୍କାର ଫର୍ଣ୍ଣାଡିଜଙ୍କ ଏକ ଫଟୋ ବେଶ ଚର୍ଚ୍ଚାରେ ରହିଛି । ୧୯୮୫ ରେ ଉକ୍ତ ୩ ନେତା ରାଜୀବ ଗାନ୍ଧିଙ୍କ ସଂସଦୀୟ ସଚିବ ଭାବେ ଶପଥ ନେଉଥିବାର ଏହି ଫଟୋ ପୁଣି ଥରେ ଅତିତର ସ୍ମୃତି ଜାଗରଣ କରିଛି । ଇନ୍ଦିରା ଗାନ୍ଧିଙ୍କୁ ଅକ୍ଟୋବର ୧୯୮୪ରେ ହତ୍ୟା କରାଯିବା ପରେ ରାଜୀବ ଗାନ୍ଧି ଦେଶର ପ୍ରଧାନମନ୍ତ୍ରୀ ହୋଇଥିଲେ । ଉକ୍ତ ୩ କଂଗ୍ରେସ ନେତାଙ୍କୁ ‘ଅମର, ଆକବର, ଆନ୍ଥୋନି’ କୁହାଯାଉଥିଲା । ବଲିଉଡ ସୁପରଷ୍ଟାର ଅମିତାଭ ବଚ୍ଚନଙ୍କ ଅଭିନୀତ ଫିଲ୍ମ ‘ଅମର, ଆକବର, ଆନ୍ଥୋନି’ ନାମକୁ ଆଧାର କରି ଉକ୍ତ ୩ କଂଗ୍ରେସ ନେତାଙ୍କୁ ଏହି ନାମରେ ଉଲ୍ଲେଖ କରାଯାଉଥିଲା । ଫିଲ୍ମଟି ୧୯୭୭ ରେ ରିଲିଜ ହୋଇଥିଲା ।