କଙ୍ଗନାଙ୍କ ‘ଆମ୍ମା’ ଅବତାର!

Nov 26, 2019 - 11:14 Updated: Nov 26, 2019 - 11:14

6509

‘ମଣିକର୍ଣ୍ଣିକା: ତ କ୍ୱିନ୍ ଅଫ୍ ଝାଁସୀ’ ପରେ କଙ୍ଗନା ରନୌତ ଗ୍ରହଣ କରିଥିଲେ ଆଉ ଏକ ବାୟୋପିକ । ବିଜୟଙ୍କ ନିର୍ଦ୍ଦେଶନାରେ ସୁଟିଂ ଚାଲିଥିବା ବେଳେ ଏହି ଫିଲ୍ମର କାହାଣୀ ତମିଳ ନାଡ଼ୁର ଅଭିନେତ୍ରୀ ଜୟଲଳିତା ଜୟରାମଙ୍କ ଜୀବନୀ ଉପରେ ଆଧାରିତ । ଆମ୍ମା ଭାବେ ସୁପରିଚିତ ଜୟଲଳିତା ଭୂମିକାରେ ଅଭିନୟ କରୁଥିବା କଙ୍ଗନାଙ୍କ ପ୍ରଥମ ପୋସ୍ଟର ମୁକ୍ତିଲାଭ କରିଛି । ତାଙ୍କ ‘ଆମ୍ମା ଅବତାର’ ଚର୍ଚ୍ଚାରେ । ଫିଲ୍ମର ନାମ ‘ଥଲାଇୱା’ । ଆସନ୍ତା ବର୍ଷ ଜୁନ୍ରେ ଫିଲ୍ମଟି ଏକ ସଙ୍ଗେ ତିନିଟି ଭାଷା-ହିନ୍ଦୀ, ତମିଳ ଓ ତେଲୁଗୁରେ ମୁକ୍ତିଲାଭ କରିବ । ଏଥିରେ ଅଭିନେତ୍ରୀରୁ ନେତ୍ରୀ ଓ ମୁଖ୍ୟମନ୍ତ୍ରୀ ପାଲଟିଥିବା ତଥା ଅନେକ ସମୟରେ ବିବାଦୀୟ ରହିଥିବା ଜୟଲଳିତାଙ୍କ ଜୟଗାନ କରାଯାଇଥିବା ଶୁଣିବାକୁ ମିଳୁଛି । ଏଥିରେ ଏମ୍ଜି ରାମଚନ୍ଦ୍ରନ ଭୂମିକାରେ ଦର୍ଶକେ ଦେଖିବେ ଅରବିନ୍ଦ ସ୍ୱାମୀଙ୍କୁ । କଙ୍ଗନାଙ୍କ ଶେଷ ଫିଲ୍ମ ‘ଜଜ୍ମେନ୍ଟାଲ ହୈ କ୍ୟା’ ବିଫଳ ହୋଇଥିଲା । ଆଗାମୀ ବଲିଉଡ଼୍ ଫିଲ୍ମ ‘ପଙ୍ଗା’ ମୁକ୍ତିଲାଭ ଅପେକ୍ଷାରେ ।