ଚାଟଶାଳୀରୁ ବିଦ୍ୟା ଅଧ୍ୟୟନ ଆରମ୍ଭ କରିଥିଲେ ଟାଗୋର
ଚାଟଶାଳୀରୁ ବିଦ୍ୟା ଅଧ୍ୟୟନ ଆରମ୍ଭ କରିଥିଲେ ଟାଗୋର
admin
5521
ସାରା ବିଶ୍ୱରେ ବିଶ୍ୱ କବି ଭାବେ ସୁନାମ ଅର୍ଜନ କରିଥିବା ରବିନ୍ଦ୍ରନାଥ ଟାଗୋର ଏକାଧାରାରେ ଜଣେ ବିଶିଷ୍ଠ ସାହିତ୍ୟକାର, ଜ୍ଞାନୀ, ଗୀତିକାର, ଦାର୍ଶନିକ, ସମାଜ ସଂସ୍କାରକ, ନାଟ୍ୟକାର, ଚିତ୍ରକର ଓ ସଙ୍ଗିତଜ୍ଞ ଅଟନ୍ତି । ସେହି ଯୋଗଜନ୍ମା ବାଗ୍ମି ରବିନ୍ଦ୍ରନାଥ ଟାଗୋର ୧୮୬୧ ମସିହା ମେ ୭ ତାରିଖରେ ଏକ ବଙ୍ଗାଳୀ ପରିବାରରେ ଠାକୁର ବଂଶର କୂଳପ୍ରଦୀପ ପ୍ରଜ୍ୱଳନ କରି ପିତା ଦେବେନ୍ଦ୍ରନାଥ ଓ ମାତା ଶାରଦା ଦେବୀଙ୍କ କୋଳରେ ଜନ୍ମ ଗ୍ରହଣ କରିଥିଲେ । ନିଜ ଘରପାଖ ଚାଟଶଳୀରେ ବିଦ୍ୟା ଅଧ୍ୟୟନ ଆରମ୍ଭ କରିଥିଲେ ଟାଗୋର । ତୁଳସୀ ଦୁଇ ପତ୍ରରୁ ବାସିଲା ପରି ଛୋଟବେଳୁ ତାଙ୍କ କବିତା, ଛନ୍ଦ ଭାଷାରେ ଅଦ୍ଭୁତ ପ୍ରତିଭା ଫୁଟିଉଠିଥିଲା । ମାତ୍ର ୮ ବର୍ଷ ବୟସରେ ସେ ତାଙ୍କ ଜୀବନର ପ୍ରଥମ କବିତା ଲେଖିଥିଲେ । ୧୬ ବର୍ଷ ବୟସରେ ତଙ୍କର ପ୍ରଥମ ଲଘୁକଥା ପ୍ରକାଶିତ ହୋଇଥିଲା । ଏହା ଶସ୍ତ୍ରୀୟ ମାନ୍ୟତା ପାଇଥିଲା । ସେ ଜଣେ ମାନବବାଦୀ, ସର୍ବଭାରତୀୟ, ଅନ୍ତର୍ଜାତୀୟବାଦୀ ଏବଂ ଜାତୀୟତାବାଦୀ ଅଟନ୍ତି । ସେ ବ୍ରଟେନରୁ ବିରୋଧୀ ଭାବରେ ବ୍ରିଟିଶରାଜ୍କୁ ନିନ୍ଦା କରିବା ସହ ସ୍ୱାଧୀନତାକୁ ସମର୍ଥନ କରିଥିଲେ । କଠିନ ଶସ୍ତ୍ରୀୟ ରୂପକୁ ତ୍ୟାଗ କରି ଭାଷାଭିତ୍ତିକ କଠୋରତାକୁ ପ୍ରତିରୋଧ କରି ଟାଗୋର ବଙ୍ଗଳା କଳାକୁ ଆଧୁନିକୀକରଣ କରିଥିଲେ । ତାଙ୍କର ଉପନ୍ୟାସ, କାହାଣୀ, ଗୀତ, ନୃତ୍ୟ-ନାଟକ ଏବଂ ପ୍ରବନ୍ଧଗୁଡିକ ରାଜାନ÷ତିକ ଏବଂ ବ୍ୟକ୍ତିଗତ ବିଷୟଗୁଡିକ ଉପରେ ଆଧାରିତ ଥିଲା । 'ଗୀତାଞ୍ଜଳି', 'ଗୋରା' ଓ ଘରେ-ବଏରେ ତାଙ୍କର ଜଣାଶୁଣା କାର୍ଯ୍ୟ ଏବଂ ତାଙ୍କର ଗୀତ, କ୍ଷୁଦ୍ର ଗଳ୍ପ, ଉପନ୍ୟାସଗୁଡିକ ସେମାନଙ୍କର ଗୀତ, କଥାବାର୍ତ୍ତା ପାଇଁ ପ୍ରଶଂସିତ ହୋଇଥିଲା । 'ଗୀତାଞ୍ଜଳିର' ଗଭୀର ସମ୍ବେଦନଶୀଳ, ସତେଜ ଏବଂ ସୁନ୍ଦରପଦ ଲେଖନୀ ଯୋଗୁଁ ୧୯୧୩ ମସିହରେ ରବିନ୍ଦ୍ରନାଥ ଟାଗୋର ପ୍ରଥମ ଅଣ-ୟୁରୋପୀୟ ତଥା ସାହିତ୍ୟରେ ନୋବେଲ ପୁରଷ୍କାର ପାଇବାରେ ପ୍ରଥମ ଗୀତିକାର ଥଲେ । ତାଙ୍କର ଚତ୍ମକାର ଗଦ୍ୟ ଓ ଯାଦୁକରୀ କବିତା ପାଇଁ ସେ ସର୍ବଦା ଚର୍ଚ୍ଚାରେ ଥାଆନ୍ତି । ତାଙ୍କ ଲେଖନୀରେ ପ୍ରାକୃତିକତା ଓ ଅପ୍ରାକୃତିକ ଚିନ୍ତାଧାରା ଯୋଗୁଁ ଦୁଇ ଦେଶ ତାଙ୍କ ରଚନାକୁ ଜାତୀୟ ସଂଗୀତ ଭାବେ ମନୋନୀତ କରିଥିଲେ । ଭାରତର ଜାତୀୟ ସଂଗୀତ ‘ଜନ-ଗଣ-ମନ ଅଧିନାୟକ' ଏବଂ ବାଂଲାଦେଶର ‘ଆମର ସୋନାର ବାଙ୍ଗଲା' ର ସେ ରଚୟୀତା ଥିଲେ । ତାଙ୍କ କାର୍ଯ୍ୟ ଦ୍ୱାରା ଶ୍ରୀଲଙ୍କା ଜାତୀୟ ସଂଗୀତ ମଧ୍ୟ ଅନୁପ୍ରାଣିତ ହୋଇଥିଲା । ସେହି ବିଶ୍ୱବାଦୀ ବକ୍ତିତ୍ୱ ସଦା ସ୍ମରଣୀୟ ।
