ଜାନୁଆରୀରୁ ଟିକାକରଣ ଆରମ୍ଭ
ଜାନୁଆରୀରୁ ଟିକାକରଣ ଆରମ୍ଭ
admin
5997
ନୂଆଦିଲ୍ଲୀ: ଭାରତ ସମତେ ବିଶ୍ୱ ବ୍ୟାପୀ ୧୮୦ ରୁ ଅଧିକ ରାଷ୍ଟ୍ରରେ କରୋନା ଭାଇରସର ପ୍ରକୋପ ଜାରି ରହିଛି । ଏ ପର୍ଯ୍ୟନ୍ତ ୭.୬୨ କୋଟିରୁ ଅଧିକ ଲୋକ ଭାଇରସ ଦ୍ୱାରା ସଂକ୍ରମିତ ହୋଇଛନ୍ତି ଏବଂ ଏଥିରେ ୧୬.୮୫ ଲକ୍ଷ ଲୋକଙ୍କ ଜୀବନ ଯାଇଛି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡ.ହର୍ଷବର୍ଦ୍ଧନ କହିଛନ୍ତି ଯେ ଜାନୁଆରୀ ମାସରେ ଯେ କୌଣସି ଦିନ ଦେଶର ପ୍ରଥମ କରୋନା ଟିକାର ବ୍ୟବହାର ପାଇଁ ଅନୁମତି ମିଳିପାରେ । ଟିକାର ସୁରକ୍ଷା, ଗୁଣବତ୍ତା ନେଇ କୌଣସି ସାଲିସ ହେବ ନାହିଁ ଏବଂ ସରକାର ଏ ଦିଗରେ ସର୍ବୋଚ୍ଚ ପ୍ରାଥମିକତାରେ କାମ କରୁଛନ୍ତି । ଏବେ ଦେଶର ଦୈନିକ ସଂକ୍ରମଣ ମାମଲାରେ ଉଲ୍ଲେଖନୀୟ ହ୍ରାସ ଦେଖ୍ିବାକୁ ମିଳିଥିଲେ ମଧ୍ୟ ବିଭିନ୍ନ ରାଜ୍ୟରେ ଦ୍ୱିତୀୟ ପର୍ଯ୍ୟାୟ ସଂକ୍ରମଣର ଭୟ ରହିଛି । ପଡୋଶୀ ପାକିସ୍ତାନରେ ଏବେ କରୋନାର ଦ୍ୱିତୀୟ ଲହର ଚାଲିଛି ଏବଂ ଆବଶ୍ୟକ ଭିତ୍ତିଭୂମି ଅଭାବରୁ ହସ୍ପିଟାଲ ଗୁଡ଼ିକରେ ଜଟିଳ ସ୍ଥିତି ଦେଖିବାକୁ ମିଳିଛି । ପାକିସ୍ତାନ ସରକାର ଦେଶର ଶିକ୍ଷାନୁଷ୍ଠାନ ବନ୍ଦ ରଖିଥିବା ବେଳେ ପୁଣି ଥରେ ଲକଡାଉନ ହେବନାହିଁ ବୋଲି ଘୋଷଣା କରିଛନ୍ତି ।
