ତାଲିବାନ ଆକ୍ରମଣରେ ୨୫ ଅଫଗାନୀ ସୈନ୍ୟ ନିହତ

Oct 21, 2020 - 15:03 Updated: Oct 21, 2020 - 15:03

4134

କାବୁଲ : ଆଫଗାନିସ୍ତାନରେ ତାଲିବାନ ପକ୍ଷରୁ ଏକ ଆକ୍ରମଣରେ ପ୍ରାୟ ୨୫ ଜଣ ଆଫଗାନୀ ସୈନିକ ପ୍ରାଣ ହରାଇଛନ୍ତି । ତାଲିବାନ ଏବଂ ଅଫଗାନ ସରକାରଙ୍କ ମଧ୍ୟରେ ଶାନ୍ତି ଆଲୋଚନା ଜାରି ରହିଥିଲେ ମଧ୍ୟ ତାଲିବାନ ପକ୍ଷରୁ ପୁଣି ଥରେ ଆକ୍ରମଣ କରାଯାଇଛି । ମଙ୍ଗଳବାର ବିଳମ୍ବିତ ରାତ୍ରିରେ ଆକ୍ରମଣ କରାଯାଇଥିବା ନେଇ ଆଫଗାନ ସରକାରଙ୍କ ପ୍ରତିନିଧି ପ୍ରକାଶ କରିଛନ୍ତି । ମଙ୍ଗଳବାର ରାତିରେ ତାଖାର ପ୍ରଦେଶରେ ଆକ୍ରମଣ କରାଯାଇଥିଲା । ଏହି ଆକ୍ରମଣ ସମ୍ପୂର୍ଣ୍ଣ ଅପ୍ରତ୍ୟାଶିତ ରହିଥିଲା ଏବଂ ୨୫ ଜଣ ସୁରକ୍ଷା ବଳ ଅଧିକାରୀ ପ୍ରାଣ ହରାଇଥିଲେ । ଏହି ଆକ୍ରମଣ ନେଇ ତାଲିବାନକୁ ଦାୟୀ କରାଯାଇଥିବା ବେଳେ ତାଲିବାନ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।