ଦ୍ୱିତୀୟ ଲହରୀ ଆଶଙ୍କାରେ ରାଜ୍ୟ ସରକାର କଟକଣାକୁ ଆହୁରି କଠୋର କଲେ
ଦ୍ୱିତୀୟ ଲହରୀ ଆଶଙ୍କାରେ ରାଜ୍ୟ ସରକାର କଟକଣାକୁ ଆହୁରି କଠୋର କଲେ
admin
4405
ଭୁବନେଶ୍ୱର: କରୋନା ସଂକ୍ରମଣ ବଢ଼ିବା ସରକାରଙ୍କ ଚିନ୍ତା ବଢ଼ାଇଛି । ଦ୍ୱିତୀୟ ଲହରୀ ଆଶଙ୍କାରେ ରାଜ୍ୟ ସରକାର କଟକଣାକୁ ଆହୁରି କଠୋର କରିଛନ୍ତି । ଏଣିକି ସଭାସମିତି, ସାଂସ୍କୃତିକ, ମନୋରଞ୍ଜନ ଓ ଧାର୍ମିକ କାର୍ଯ୍ୟକ୍ରମରେ ସର୍ବାଧିକ ୨୦୦ ଜଣ ରହିପାରିବେ । ଏହାଠାରୁ ଅଧିକ ଲୋକଙ୍କୁ ଏକାଠି ହେବାକୁ ଅନୁମତି ଦିଆଯିବନି । ଆସନ୍ତା ୨୬ ତାରିଖରୁ ଏହାକୁ କଡ଼ାକଡ଼ି ଭାବେ ଲାଗୁ ପାଇଁ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ନିଦେ୍ର୍ଧଶ ଦେଇଛନ୍ତି । ସବୁ ଜିଲ୍ଲାପାଳ, ଏସପି, ମୁ୍ୟନିସିପାଲ କମିଶନର ଓ ଗ୍ୱିନସିଟି ପୁଲିସ କମିଶନରଙ୍କୁ ଏ ସଂକ୍ରାନ୍ତରେ ନିଦେ୍ର୍ଧଶନାମା ଜାରି କରାଯାଇଛି । ମହାରାଷ୍ଟ୍ର, ପଞ୍ଜାବ, କର୍ଣ୍ଣାଟକ, ଗୁଜରାଟ, ମଧ୍ୟପ୍ରଦେଶ, କେରଳ ସମେତ ଦେଶର ଅନେକ ରାଜ୍ୟରେ କରୋନା ବଢ଼ୁଛି । ଗତ ୩-୪ ଦିନ ହେବ ଓଡ଼ିଶାରେ କରୋନା ସଂକ୍ରମଣ ବଢ଼ି ଚାଲିଛି । ଏହାକୁ ଦୃଷ୍ଟିରେ ରଖି କରୋନା କଟକଣାକୁ କଡ଼ାକଡ଼ି କରିବାକୁ ସରକାର ନିଷ୍ପତ୍ତି ନେଇଛନ୍ତି । ଗତ କିଛି ମାସ ହେବ ରାଜ୍ୟରେ ସଂକ୍ରମଣ ହାର କମିଥିବାରୁ କଟକଣା କୋହଳ କରାଯାଇଥିଲା । ବିବାହ, ସାମାଜିକ କାର୍ଯ୍ୟକ୍ରମ, ରାଜନୈତିକ ସଭାସମିତି, କ୍ରୀଡ଼ା, ମନୋରଞ୍ଜନ, ସାଂସ୍କୃତିକ କାର୍ଯ୍ୟକ୍ରମ ଓ ଧାର୍ମିକ ସଭାରେ ୫୦୦ ଲୋକଙ୍କ ଉପସ୍ଥିତିକୁ ଅନୁମତି ମିଳିଥିଲା । ହେଲେ ଏବେ ୨୦୦ ରୁ ଅଧିକ ଲୋକଙ୍କୁ କୌଣସି କାର୍ଯ୍ୟକ୍ରମରେ ଏକାଠି ହେବାକୁ ଦିଆଯିବନି ।
