ପିପିଲି ନିର୍ବାଚନ ପାଇଁ ୩ କମ୍ପାନୀ କେନ୍ଦ୍ରୀୟ ଫୋର୍ସ ମୁତୟନ
ପିପିଲି ନିର୍ବାଚନ ପାଇଁ ୩ କମ୍ପାନୀ କେନ୍ଦ୍ରୀୟ ଫୋର୍ସ ମୁତୟନ
admin
1938
ଭୁବନେଶ୍ୱର: ନିର୍ବାଚନୀ ହିଂସା ପାଇଁ କୁଖ୍ୟାତ ଥିବା ପିପିଲି ନିର୍ବାଚନମଣ୍ଡଳୀରେ ଚଳିତ ଉପନିର୍ବାଚନରେ ମଧ୍ୟ ହିଂସାକାଣ୍ଡ ଘଟିବାରେ ଲାଗିଛି । ବିଗତ କିଛି ଦିନ ହେଲା ବିଜେପି ଓ ବିଜେଡି କର୍ମୀଙ୍କ ମଧ୍ୟରେ ହିଂସାକାଣ୍ଡ ଘଟି ରକ୍ତପାତ ହୋଇଛି । ଏହାରି ଭିତରେ ଆଜି ପିପିଲି ନିର୍ବାଚନ ପାଇଁ ୩ କମ୍ପାନୀ କେନ୍ଦ୍ରୀୟ ଫୋର୍ସ ମୁତୟନ କରାଯାଇଛି । ୩ କମ୍ପାନୀ କେନ୍ଦ୍ରୀୟ ଫୋର୍ସ ସହ ୨୯ ପ୍ଲାଟୁନ ଓଏସଏପି ବି ମୁତୟନ କରାଯାଇଛି । ୧ ପ୍ଲାଟୁନ ସୁଇଫ୍ଟ ଆକ୍ସନ ଫୋର୍ସ ମଧ୍ୟ ମୁତୟନ କରାଯାଇଛି । ସୁରକ୍ଷା ପାଇଁ ନିର୍ବାଚନ ମଣ୍ଡଳୀକୁ ଏକାଧିକ ଜୋନରେ ବିଭକ୍ତ କରାଯାଇଛି । ଏକାଧିକ ଜୋନରେ ବିଭକ୍ତ ସହ ୨ ଏଏସପି ଓ ୩ ଡିଏସପିଙ୍କୁ ଦାୟିତ୍ୱ ଦିଆଯାଇଛି । ଆଜି ପିପିଲିରେ ଆଇନଶୃଙ୍ଖଳା ସମ୍ପର୍କରେ ସମୀକ୍ଷା କରିବା ପରେ ପୁଲିସ ଡିଜି ଅଭୟ ଏହି ସୂଚନା ଦେଇଛନ୍ତି ।
ଆଜି ପୁଲିସ ମହାନିଦେ୍ର୍ଧଶକ ଅଭୟ ପିପିଲି ଗସ୍ତ କରିଥିଲେ । ଗୋଇନ୍ଦା ବିଭାଗ ନିଦେ୍ର୍ଧଶକ ଓ ଏଡିଜି ଆଇନ ଶୃଙ୍ଖଳା ବି ତାଙ୍କ ସହ ସାମିଲ ହୋଇଥିଲେ । ପିପିଲି ଥାନାରେ ଡିଜିପି ଓ ବରିଷ୍ଠ ଅଧିକାରୀମାନେ ପିପିଲିର ସ୍ଥିତି ସମୀକ୍ଷା କରିଥିଲେ । ପିପିଲିରେ ବଢି ଚାଲିଥିବା ନିର୍ବାଚନୀ ହିଂସାକୁ ନେଇ ଏହି ସମୀକ୍ଷା କରାଯାଇଥିଲା ।
