ପୁଲୱାମା ଆକ୍ରମଣରେ ପାକିସ୍ତାନର ସମ୍ପୃକ୍ତି ନେଇ ମନ୍ତ୍ରୀଙ୍କ ବଡ ଖୁଲାସା
ପୁଲୱାମା ଆକ୍ରମଣରେ ପାକିସ୍ତାନର ସମ୍ପୃକ୍ତି ନେଇ ମନ୍ତ୍ରୀଙ୍କ ବଡ ଖୁଲାସା
admin
4471
କରାଚୀ : ପାକିସ୍ତାନର ଜନୈକ ମନ୍ତ୍ରୀ ପାକିସ୍ତାନର ମୁଖା ଖୋଲି ଦେଇଛନ୍ତି । ପାକିସ୍ତାନ ମନ୍ତ୍ରୀ ଫୱାଦ ଚୌଧୁରୀ ପୁଲୱାମା ଆକ୍ରମଣରେ ପାକିସ୍ତାନର ସମ୍ପୃକ୍ତି ନେଇ ପାକ ସଂସଦରେ ବୟାନ ଦେଇଛନ୍ତି । ଏହା ସହିତ ଏହି ବୟାନ ପରେ ପାକିସ୍ତାନର ଅସଲ ଚେହେରା ସମସ୍ତଙ୍କ ସମ୍ମୁଖକୁ ଆସିଛି । “ଆମେ ଭାରତୀୟ ମାଟିରେ ପଶି ଭାରତୀୟ ମାନଙ୍କୁ ମାରିବାରେ ସଫଳ ହୋଇଥିଲୁ, ଇମ୍ରାନ ଖାନ ସରକାରର ଏହା ସବୁଠାରୁ ବଡ ସଫଳତ” ଏଭଳି ବୟାନ ଦେଇଛନ୍ତି ଇମ୍ରାନ ସରକାରଙ୍କ କ୍ୟାବିନେଟ ମନ୍ତ୍ରୀ ଫୱାଦ ଚୌଧୁରୀ । ସଂସଦରେ ଏୟାରଫୋର୍ସ ୱିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କୁ ନେଇ ଆଲୋଚନା ଚାଲିଥିବା ବେଳେ ବିରୋଧୀଙ୍କ କଟାକ୍ଷରେ ଚୌଧୁରୀ ଏହି ମନ୍ତବ୍ୟ ଦେବା ସହିତ ପାକର ଅସଲ ମୁଖା ଖୋଲି ଦେଇଛନ୍ତି । ପାକିସ୍ତାନର ସମ୍ପୃକ୍ତି ନେଇ କୌଣସି ସଂଶୟ ନଥିଲା ମାତ୍ର କ୍ୟାବିନେଟ ମନ୍ତ୍ରୀଙ୍କ ବୟାନ ପରେ ସମଗ୍ର ବିଶ୍ୱ ପାକିସ୍ତାନର ଚେହେରା ଦେଖିପାରିଛି ବୋଲି ଲ୍ୟୁଟନାଣ୍ଟ ଜେନେରାଲ ରାଜ କାଡ୍ୟାନ ମତ ରଖିଛନ୍ତି । ଉଲ୍ଲେଖଯୋଗ୍ୟ ଯେ, ପାକିସ୍ତାନ ବିଗତ ଦୁଇ ବର୍ଷ ହେବ ଏଫଏଟିଏଫର ଗ୍ରେ ବର୍ଗରେ ରହି ଆସିଛି ।
