ପୂର୍ବତନ ସାଂସଦ ପପୁ ଯାଦବଙ୍କୁ ଗିରଫ
ପୂର୍ବତନ ସାଂସଦ ପପୁ ଯାଦବଙ୍କୁ ଗିରଫ
admin
3384
ପାଟନା: ଲକଡାଉନ ନିୟମ ଉଲ୍ଲଂଘନ କରିଥିବା ଅଭିଯୋଗରେ ବିହାର ପୁଲିସ ଆଜି ଜନ ଅଧିକାର ପାର୍ଟି ନେତା ତଥା ପୂର୍ବତନ ସାଂସଦ ପପୁ ଯାଦବଙ୍କୁ ଗିରଫ କରିଛି । କୋଭିଡ-୧୯ ପରମିଟ ନଥାଇ ସେ ପାଟନାରେ ଘର ବାହାରେ ବୁଲୁଥିବାରୁ ତାଙ୍କୁ ଗିରଫ କରାଯାଇଛି । ତେବେ କରୋନା ବେଳେ ସେ ଲୋକଙ୍କୁ ସାହାଯ୍ୟ କରୁଥିବା ବେଳେ ତାଙ୍କୁ ଗିରଫ କରାଯାଇଛି ବୋଲି ପପୁ ଅଭିଯୋଗ କରିଛନ୍ତି । ରାଜନୈତିକ କାରଣରୁ ତାଙ୍କୁ ଗିରଫ କରାଯାଇଛି, କରୋନା ନିୟମ ଉଲ୍ଲଂଘନ ଏକ ବାହାନା ବୋଲି ପପୁ କହିବା ସହିତ ଏଥିପାଇଁ ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀଙ୍କୁ ସମାଲୋଚନା କରିଛନ୍ତି । ପପୁ କହିଛନ୍ତି ଯେ ବିଜେପି ସାଂସଦ ରାଜୀବ ପ୍ରତାପ ରୁଡ୍ଡିଙ୍କ ଆମ୍ବୁଲାନ୍ସକୁ ନେଇ ସେ ପ୍ରଶ୍ନ ଉଠାଇବାରୁ ତାଙ୍କ ବିରୋଧରେ ଏଭଳି ଆକ୍ରୋଶମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଗତକାଲି ସାରଣ ଜିଲ୍ଲାରେ ଏମପିଲାଡରୁ କିଣାଯାଇଥିବା ୧୨ରୁ ଅଧିକ ଆମ୍ବୁଲାନ୍ସକୁ ଲୋକଙ୍କ ସେବାରେ କାହିଁକି ବ୍ୟବହାର ହେଉନାହିଁ ବୋଲି ସେ ପ୍ରଶ୍ନ କରିଥିଲେ । ଡ୍ରାଇଭର ନଥିବାରୁ ଆମ୍ବୁଲାନ୍ସଗୁଡ଼ିକ ବ୍ୟବହାର ହୋଇପାରି ନଥିବା ସାଂସଦ ରୁଡ୍ଡି କହିଥିବା ବେଳେ ପପୁ ଏକ ସାମ୍ବାଦିକ ସମ୍ମିଳନୀ କରି ଏଥିପାଇଁ ୪୦ରୁ ଅଧିକ ଡ୍ରାଇଭର ପ୍ରସ୍ତୁତ ଅଛନ୍ତି ବୋଲି କହିଥିଲେ ।
