ପ୍ରଥମେ ୩ କୋଟି ଟିକା ମାଗଣା ଦିଆଯିବ : ହର୍ଷବର୍ଦ୍ଧନ
ପ୍ରଥମେ ୩ କୋଟି ଟିକା ମାଗଣା ଦିଆଯିବ : ହର୍ଷବର୍ଦ୍ଧନ
admin
5979
ନୂଆଦିଲ୍ଲୀ: ଦେଶରେ କରୋନା ଟିକାକରଣ ଲାଗି ଟିକାକୁ ମଞ୍ଜୁରୀ ମିଳିସାରିଛି। ତେଣୁ ଖୁବଶୀଘ୍ର ଦେଶବ୍ୟାପୀ ଟିକାକରଣ ଆରମ୍ଭ ହେବ। ତେବେ ଏହା ପୂର୍ବରୁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ତତ୍ତ୍ଵାବଧାନରେ ଦେଶବ୍ୟାପୀ ପ୍ରାକ୍-ଟିକାକରଣ ଅଭ୍ୟାସ ଶନିବାରଠାରୁ ଆରମ୍ଭ ହୋଇଛି। ଦେଶର ସମସ୍ତ ରାଜ୍ୟରେ ଏହି ଅଭ୍ୟାସ ଚାଲିବ। ତେବେ ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା ପ୍ରଥମେ ୩ କୋଟି ଟିକା ମାଗଣା ଦିଆଯିବ । ଏନେଇ ସୂଚନା ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଦ୍ଧନ । ତାଙ୍କ ସୂଚନା ଅନୁଯାୟୀ ସ୍ୱାସ୍ଥ୍ୟ କର୍ମୀ ଓ ସମ୍ମୁଖ କର୍ମୀମାନଙ୍କୁ ମାଗଣା ଟିକା ଦିଆଯିବ । ୧କୋଟି ସ୍ୱାସ୍ଥ୍ୟ କର୍ମୀ ଓ ୨ କୋଟି ସମ୍ମୁଖ କର୍ମୀଙ୍କୁ ଟିକା ଦିଆଯିବ । ପରେ ଅନ୍ୟ ୨୭ କୋଟି ଲୋକଙ୍କୁ କିଭଳି ଟିକା ଦିଆଯିବ ତାହାର ବିଚାର କରାଯିବ ବୋଲି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଦ୍ଧନ କହିଛନ୍ତି ।
ପ୍ରାକ-ଟିକାକରଣ ଅଭ୍ୟାସ ଜରିଆରେ ଦେଶବ୍ୟାପୀ ସରକାର ଟିକାକରଣ ପାଇଁ କେତେ ପ୍ରସ୍ତୁତ ତାହା ସୁନିଶ୍ଚିତ କରାଯିବ। ଟିକା ପହଞ୍ଚିଲେ କିପରି ସୁରୁଖୁରୁରେ ତାହାକୁ ହିତାଧିକାରୀମାନଙ୍କୁ ପ୍ରଦାନ କରାଯିବ ସେ ନେଇ ଏହି ଅଭ୍ୟାସ କରାଯାଉଛି। ବିଶେଷକରି କୋ-ଭିନ୍ ଆପ୍ର ବ୍ୟବହାର, ସ୍ବାସ୍ଥ୍ୟକର୍ମୀଙ୍କ ତଥ୍ୟ ଅପଲୋଡ୍, ଟିକା ପ୍ରାପ୍ତ କରିବା, ଟିକା ଆବଣ୍ଟନ, ଟିକାକରଣ ଟିମ୍ର ପ୍ରସ୍ତୁତି ଏବଂ ଟିକା ପ୍ରଦାନ ସ୍ଥଳରେ ରସିଦ୍ ସଂଗ୍ରହ କରିବା ଭଳି ପ୍ରସ୍ତୁତିର ଡ୍ରାଏ ରନ୍ ଅର୍ଥାତ ମକ୍ଡ୍ରିଲ୍ କରାଯିବ।
