ପ୍ରଶଂସକଙ୍କୁ ଆଶ୍ଚର୍ଯ୍ୟ ଓ ଚକିତ କଲେ କରିନା
ପ୍ରଶଂସକଙ୍କୁ ଆଶ୍ଚର୍ଯ୍ୟ ଓ ଚକିତ କଲେ କରିନା
admin
2182
ବଲିଉଡରେ ସମ୍ପର୍କ ତିଆରି ହୋଇଥାଏ ଭାଙ୍ଗିଥାଏ ମଧ୍ୟ । କିନ୍ତୁ କିଛି ଏପରି ଯୋଡ଼ି ରହିଛି ଯାହା ଭାଙ୍ଗିବା ପରେ ବି ଚର୍ଚ୍ଚାରେ ରହିଥାଏ । ସେହିପରି ଏକ ଯୋଡ଼ି ହେଉଛି କରିନା କପୁର ଓ ସାହିଦ କପୁର । ଏହି ଦୁଇ ଜଣ ସେଲିବ୍ରିଟି ନିଜ ନିଜ ଜୀବନରେ ବ୍ୟସ୍ତ ଅଛନ୍ତି । କିନ୍ତୁ ହଠାତ କରିନା କପୁର ନିଜର ଏକ୍ସ ବୟଫ୍ରେଣ୍ଡ ସାହିଦ କପୁରଙ୍କ ସହିତ ଥିବା ଏକ ଫଟୋ ସେୟାର କରିଛନ୍ତି । ଯାହାକୁ ଦେଖି ତାଙ୍କ ଫାନମାନେ ମଧ୍ୟ ଆଶ୍ଚର୍ଯ୍ୟ ଚକିତ ହୋଇପଡ଼ିଛନ୍ତି ।
କରିନା କପୁର ସୋମବାର ଜବ ଉଇ ମିଟ ସେଟର ପୁରୁଣା ଏକ ଫଟୋକୁ ସେୟାର କରିଛନ୍ତି । ସାହିଦ କପୁରଙ୍କ ଅଭିନିତ ଏହି ଫିଲ୍ମ ୨୦୦୭ରେ ଅକ୍ଟୋବର ୨୬ରେ ରିଲିଜ ହୋଇଥିଲା । ଉକ୍ତ ଫିଲ୍ମକୁ ରିଲିଜ ହେବାର ୧୩ ବର୍ଷ ହୋଇଗଲାଣି । ଉକ୍ତ ଫଟୋରେ କରିନା, ଇମଜାତ ଅଲ୍ଲି ଓ ସାହିଦ କପୁର ପ୍ଲେବ୍ୟାକ ମନିଟରରେ ଦେଖୁଥିବା ଦେଖାଯାଇଥିଲା । ଏହି ଫଟୋରେ କରିନା କ୍ୟାପସନ ଦେଇ ଲେଖିଛନ୍ତି ଯେ, ମୋତେ ଲାଗୁଛି ଜୀବନରେ ମଣିଷ ପ୍ରକୃତରେ ଯାହା ଚାହିଁଥାଏ ତାକୁ ତାହା ହିଁ ମିଳିଥାଏ । ଅଭିନେତ୍ରୀଙ୍କ ଏହି ପୋଷ୍ଟ ଉପରେ ତାଙ୍କର ଫାନମାନେ ନିଜର ପ୍ରତିକ୍ରିୟା ଦେିଛନ୍ତି । ଜଣେ ୟୁଜର କହିଛନ୍ତି ଏହି ଫିଲ୍ମକୁ ବହୁତ ପସନ୍ଦ କରେ ଏହାର ଦ୍ୱିତୀୟ ଭାଗ ତିଆରି କରନ୍ତୁ । ଆଉ ଜଣେ ୟୁଜର କହିଛନ୍ତି ଏହି ଫିଲ୍ମକୁ ମୁଁ ବାରମ୍ବାର ଦେଖେ । ଆପଣ ଓ ସାହିଦ ଏହି ଫିଲ୍ମରେ ବହୁତ ସୁନ୍ଦର ଲାଗୁଥିଲେ ।
