ବଜେଟ୍ ୨୦୧୯ : ୫ଲକ୍ଷରୁ କମ ଆୟ ପାଇଁ ଆୟକର ସମ୍ପୂର୍ଣ୍ଣ ଛାଡ଼
ବଜେଟ୍ ୨୦୧୯ : ୫ଲକ୍ଷରୁ କମ ଆୟ ପାଇଁ ଆୟକର ସମ୍ପୂର୍ଣ୍ଣ ଛାଡ଼
admin
3999
ଭୁବନେଶ୍ୱର: ୫ଲକ୍ଷରୁ କମ ଆୟ ପାଇଁ ଆୟକରକୁ ସମ୍ପୂର୍ଣ୍ଣ ଛାଡ଼ ଘୋଷଣା କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ପୂର୍ଣ୍ଣାଙ୍ଗ ବଜେଟ ଉପସ୍ଥାପନ ସମୟରେ ସେ ଏହି ଘୋଷଣା କରିଛନ୍ତି । ଏହି ସମୟରେ ସେ ଟିକସଦାତାଙ୍କୁ ପ୍ରଶଂସା କରିଥିଲେ । ସେ କହିଥିଲେ ଯେ, ଭାରତ ନିର୍ମାଣରେ ଟିକସଦାତାଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଟିକସ ଆଦାୟ କ୍ଷେତ୍ରରେ ଅଭୂତପୂର୍ବ ଅଭିବୃଦ୍ଧି ଘଟିଛି । ୨୦୧୩-୧୪ରେ ୬.୩୮ଲକ୍ଷ କୋଟି ଟିକସ ଆଦାୟ ହୋଇଥିଲା । ୨୦୧୮ ଆର୍ଥିକ ବର୍ଷରେ ମୋଟ ୧୧.୩୭ ଲକ୍ଷ କୋଟି ଟିକସ ଆଦାୟ ହୋଇଛି । କର୍ପୋରେଟ ଟିକସ କ୍ଷେତ୍ରରେ କୋହଳ ମନୋଭାବ ଘୋଷଣା ପାଇଁ ପ୍ରସ୍ତାବ ଦିଆଯାଇଛି । ୨୫୦ କୋଟି କାରବାର ଥିବା କମ୍ପାନୀକୁ ୨୫% କୋର୍ପୋରେଟ ଟିକସ ପଡ଼ୁଥିଲା । ୨୫% ଟିକସ ପାଇଁ କାରବାର ପରିମାଣ ୪ଶହ କୋଟିକୁ ବୃଦ୍ଧି ପ୍ରସ୍ତାବ ଦିଆଯାଇଛି । ବିଦୁ୍ୟତ ଚାଳିତ ଯାନ ଓ ସୋଲାର ପ୍ୟାନେଲ ଜିଏସଟି ୧୨ରୁ ୫%କୁ ହ୍ରାସ କରାଯାଇଛି ।
