ବ୍ରିଟେନରେ ବ୍ୟାନ ହେଲା ଟିକଟକ୍
admin
7109
ଲଣ୍ଡନ: ବ୍ରିଟେନରେ ବ୍ୟାନ ହେଲା ଟିକଟକ୍ । ଚୀନ କମ୍ପାନି ମାଲିକାନାଧୀନ ଭିଡିଓ ସେୟାରିଂ ଆପକୁ ବ୍ୟାନ କଲା ବ୍ରିଟେନ ସଂସଦ । ଗୋପନୀୟତା ଓ ସାଇବର ସିକ୍ୟୁରିଟି କାରଣରୁ ଏହି ପଦକ୍ଷେପ ନେଇଛନ୍ତି ସରକାର । ଟିକଟକକୁ ବହୁ ବ୍ରିଟେନ ସାଂସଦ ବ୍ୟବହାର କରୁଥିବାବେଳେ ସେମାନଙ୍କୁ ବି ଏହି ଆପ୍ ବ୍ୟବହାର ବନ୍ଦ କରିବା ଲାଗି ନିର୍ଦ୍ଦେଶ ଦିଆଯାଇଛି । ନୂଆ ନିୟମ ଫଳରେ ସଂସଦ ଭବନକୁ ଆସୁଥିବା ସାଂସଦ ଓ ପରିଦର୍ଶକମାନେ ଅଫିସିଆଲ ଓ୍ବାଇ-ଫାଇ କନେକସନ ଜରିଆରେ ଟିକଟକକୁ ଆସେସ କରିବାକୁ ଅନୁମତି ଦିଆଯିବ ନାହିଁ ।
ଅଭିଯୋଗ ଅନୁସାରେ ଟିକଟକ୍ ଆପ୍ ଜରିଆରେ ୟୁଜରମାନଙ୍କ ପର୍ୟ୍ୟାପ୍ତ ତଥ୍ୟ ସଂଗ୍ରହ କରାଯାଉଛି । ସେମାନଙ୍କ ବୟସ, ଲୋକେସନ, ଡିଭାଇସ ଓ ଏପରିକି ସେମାନଙ୍କ ଟାଇପିଂ ପ୍ୟାଟର୍ଣ୍ଣ ତଥ୍ୟକୁ ମଧ୍ୟ ସଂଗ୍ରହ କରାଯାଉଥିବା ଅଭିଯୋଗ ହୋଇଛି ।
