ବିଜ୍ଞାପନରେ ଜିଭା-ମାହି
ବିଜ୍ଞାପନରେ ଜିଭା-ମାହି
admin
4907
ମୁମ୍ବାଇ: ଅନ୍ତର୍ଜାତୀୟ କି୍ରକେଟରୁ ଅବସର ଘୋଷଣା କରି ସାରିଥିଲେ ମଧ୍ୟ ଭାରତୀୟ କି୍ରକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ବ୍ରାଣ୍ଡ ଭାଲୁ୍ୟ ପୂର୍ବ ଭଳି ଅପରିବର୍ତ୍ତିତ ରହିଛି । ବିଜ୍ଞାପନ ଦୁନିଆରେ ଏବେ ବି ତାଙ୍କର ଢେ଼ର ଚାହିଦା ରହିଛି । ଧୋନି ଏବେ ଝିଅ ଜିଭା ସହ ଏକ ବିଜ୍ଞାପନରେ ଅଭିନୟ କରିବାକୁ ଯାଉଛନ୍ତି । ଯାହା ତାଙ୍କ ବ୍ରାଣ୍ଡ ଭ୍ୟାଲୁ୍ୟକୁ ଆହୁରି ବଢ଼ାଇ ଦେବାର ସମ୍ଭାବନା ରହିଛି । ବିରାଟ ସମ୍ଭାବନା ଥିବା ବିଶାଳ ଓ ରଙ୍ଗ ବେରଙ୍ଗ ବିଜ୍ଞାପନ ଅଭିନୟ ଜଗତରେ ଖୁବଶୀଘ୍ର ଧୋନିଙ୍କ ୬ ବର୍ଷୀୟା ଝିଅ ଜିଭା ଧୋନି ପାଦ ଥାପିବେ । ବାପ ଝିଅ ଧୋନି ଏବଂ ଜିଭାଙ୍କୁ ଖୁବଶୀଘ୍ର ଏକ ଆମେରିକୀୟ ବହୁ ରାଷ୍ଟ୍ରୀୟ କମ୍ପାନୀର ଲୋକପି୍ରୟ ବ୍ରାଣ୍ଡର ପ୍ରଚାର କରୁଥିବା ଟେଲିଭିଜନ ଏବଂ ଅନ୍ୟାନ୍ୟ ଇଲେକ୍ଟ୍ରନିକସ ମାଧ୍ୟମରେ ଦେଖିବାକୁ ମିିଳିବ । ମଣ୍ଡେଲେଜ ନାମକ ଏହି କମ୍ପାନୀ ନିଜ ଇନଷ୍ଟାଗ୍ରାମ ପୃଷ୍ଠାରେ ଏହି ଖବର ଦେବା ସହ ଦେଖନ୍ତୁ ଅଭିନୟ ପଡ଼ିଆରେ କିଏ ପାଦ ଥାପୁଛି ବୋଲି ଲେଖିଛି । କମ୍ପାନୀ ମଧ୍ୟ ଜିଭା ଓ ଧୋନି ସେହି ବ୍ରାଣ୍ଡର ବିସ୍କୁଟକୁ ଉପଭୋଗ କରୁଥିବାର ଏକ ଭିଡିଓ ପ୍ରକାଶ କରିଛି ।
