ବିଶ୍ୱକପରୁ ସେହଜାଦ୍ ବାଦ୍
ବିଶ୍ୱକପରୁ ସେହଜାଦ୍ ବାଦ୍
admin
5984
ଇଂଲଣ୍ଡ : ଆଫଗାନିସ୍ତାନର ଓପନର ମହମ୍ମଦ ସେହାଜାଦ ଇଂଲଣ୍ଡରେ ଖେଳାଯାଉଥିବା କ୍ରିକେଟ ବିଶ୍ୱକପରୁ ବାଦ ପଡିଛନ୍ତି । ସେହଜାଦଙ୍କ ଆଣ୍ଠୁରେ ଆଘାତ ଲାଗିଥିବାରୁ ସେ ବିଶ୍ୱକପରୁ ବାଦ ପଡିଛନ୍ତି । ସେହଜାଦ ବିଶ୍ୱକପ ପୂର୍ବରୁ ପାକିସ୍ତାନ ବିପକ୍ଷ ଅଭ୍ୟାସ ମ୍ୟାଚରେ ଖେଳୁଥିବାବେଳେ ତାଙ୍କ ଆଣ୍ଠୁରେ ଆଘାତ ଲାଗିଥିଲା । ପରେ ବିଶ୍ୱକପରେ ସେ ଅଷ୍ଟ୍ରେଲିଆ ଓ ଶ୍ରୀଲଙ୍କା ବିପକ୍ଷ ମ୍ୟାଚ ଖେଳିଥିଲେ । ତେବେ ୨ଟି ଯାକ ମ୍ୟାଚରେ ସେ ନୈରାଶ୍ୟଜନକ ବ୍ୟାଟିଂ ପ୍ରଦର୍ଶନ କରିଥିଲେ । ଶ୍ରୀଲଙ୍କା ବିପକ୍ଷ ମ୍ୟାଚ ଖେଳିବା ପରେ ତାଙ୍କ ଆଣ୍ଠୁରେ ଯନ୍ତ୍ରଣା ବଢି ଯାଇଥିଲା । ସେହଜାଦକୁ ବିଶ୍ରାମ ଆବଶ୍ୟକ ଓ ସେ ପରବର୍ତୀ ମ୍ୟାଚରେ ଖେଳିପାରିବେ ନାହିଁ ବୋଲି ଡାକ୍ତର ମତ ଦେବା ପରେ ତାଙ୍କୁ ବିଶ୍ୱକପରୁ ବାଦ ଦିଆଯାଇଛି । ତାଙ୍କ ସ୍ଥାନରେ ଇକ୍ରାମ ଅଲ୍ଲିଙ୍କୁ ଆଫଗାନିସ୍ତାନ ଦଳରେ ସାମିଲ କରାଯାଇଛି । ୨୦୧୫ ବିଶ୍ୱକପ ପରଠାରୁ ସେହାଜାଦ ୫୫ଟି ମ୍ୟାଚ ଖେଳି ୧୮୪୩ ରନ ସଂଗ୍ରହ କରିଛନ୍ତି ।
