ବ୍ରିଟେନ ରାଜକୁମାର କରୋନାରେ ଆକ୍ରାନ୍ତ

Mar 25, 2020 - 11:18 Updated: Mar 25, 2020 - 11:18

5003

ଲଣ୍ଡନ : ବ୍ରିଟେନର ରାଜକୁମାର ଚାର୍ଲସ କରୋନାରେ ଆକ୍ରାନ୍ତ ହୋଇଛନ୍ତି । ରାଜପରିବାର ପକ୍ଷରୁ ଏହି ସୂଚନା ଦିଆଯାଇଛି । ଚାର୍ଲସଙ୍କ ଶରୀରରେ କରୋନାର ଲକ୍ଷଣ ପ୍ରକାଶ ପାଇବା ପରେ ତାଙ୍କର ପରୀକ୍ଷଣ ହୋଇଥିଲା । ପରୀକ୍ଷଣରେ ତାଙ୍କର ପଜିଟିଭ ଆସିଥିଲା । କିଛିଦିନ ଧରି ସେ ଘରେ ରହୁଥିଲେ । ତେବେ ତାଙ୍କ ସ୍ୱାସ୍ଥ୍ୟବସ୍ଥା ଠିକ ଥିବାବେଳେ ସେ କାର୍ଯ୍ୟ ମଧ୍ୟ କରିପାରୁଛନ୍ତି ବୋଲି ତାଙ୍କର ବାସଭବନ କ୍ଲାରେନ୍ସ ହାଉସ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି । ତେବେ କାହା ଦେହରୁ ତାଙ୍କ ଶରୀରକୁ କରୋନା ଆସିଛି ତାହା ଜଣାପଡ଼ିନାହିଁ । ଏଠାରେ ସୂଚାଇ ଦିଆଯାଇପାରେଯେ, ବ୍ରିଟେନର ରାଣୀଙ୍କ ସହଯୋଗୀଙ୍କ ଠାରେ କରୋନା ସଂକ୍ରମିତ ହୋଇଥିବା ଜଣାପଡ଼ିଛି । ଯେଉଁଥିପାଇଁ ରାଣୀ ଏବେ ରାଜପ୍ରାସାଦ ବାହାରେ ରହିଛନ୍ତି । ଅପରପକ୍ଷରେ ବ୍ରିଟେନ ରାଜକୁମାରଙ୍କ ପନôୀ କାମିଲାଙ୍କର ପରୀକ୍ଷଣ ହୋଇଥିବାବେଳେ ତାଙ୍କର ନମୁନା ନେଗେଟିଭ ହୋଇଛି ବୋଲି ବ୍ରିଟିଶ ରାଜପରିବାର ପକ୍ଷରୁ ସୂଚନା ଦିଆଯାଇଛି । ଏବେ ବ୍ରିଟେନ ରାଜକୁମାର ଓ ତାଙ୍କ ପନôୀ ସ୍କଟଲାଣ୍ଡସ୍ଥିତ ନିଜ ପ୍ରାସାଦରେ ସଙ୍ଗରୋଧରେ ରହିଛନ୍ତି । ଏବେ ଚାର୍ଲସଙ୍କୁ ୭୧ ବର୍ଷ ବୟସ ହୋଇଥିବାବେଳେ ଏହି ବୟସର ଆକ୍ରାନ୍ତଙ୍କ ସ୍ୱାସ୍ଥ୍ୟବସ୍ଥା ସଂକଟାପନ୍ନ ହୋଇପଡ଼ୁଛି । ତେଣୁ ରାଜପରିବାର ଏହାକୁ ନେଇ ଚିନ୍ତାରେ ପଡ଼ିଯାଇଛନ୍ତି ।