ଭାରତରେ ଅନେକ ରାଜ୍ୟରେ ଏବେ ପ୍ରଚଣ୍ଡ ଗରମ , କାରଣ କଣ ଜାଣନ୍ତୁ
ଭାରତରେ ଅନେକ ରାଜ୍ୟରେ ଏବେ ପ୍ରଚଣ୍ଡ ଗରମ , କାରଣ କଣ ଜାଣନ୍ତୁ
admin
5982
ନୂଆଦିଲ୍ଲୀ: ଭାରତରେ ଅନେକ ରାଜ୍ୟରେ ଏବେ ପ୍ରଚଣ୍ଡ ଗରମ ଅନୁଭୂତ ହେଉଛି । ବିଶେଷ କରି ପଶ୍ଚିମ ଏବଂ ଉତ୍ତର ଭାରତରେ ଅନେକ ରାଜ୍ୟରେ ପାରା ୪୦ ଡିଗ୍ରୀ ଉପରକୁ ଗଲାଣି । ୟୁପିରେ ମାର୍ଚ୍ଚ ମାସରେ ତାପମାତ୍ରା ୧୦ ବର୍ଷର ରେକର୍ଡ ଭାଙ୍ଗି ଦେଇଛି । ରାଜ୍ୟରେ ସର୍ବାଧିକ ତାପମାତ୍ରା (୪୨.୩ ଡିଗ୍ରୀ ସେଲସିୟସ) ଝାନସୀରେ ରେକର୍ଡ କରାଯାଇଛି । ହିମାଚଳ ପ୍ରଦେଶର ଅନେକ ଭାଗରେ ତାପମାତ୍ରା ସ୍ୱାଭାବିକ ସ୍ତରରୁ ୬ ଡିଗ୍ରୀ ସେଲସିୟସ ଅଧିକ ରହୁଛି । ଦିଲ୍ଲୀରେ ଗତ ସୋମବାର ତାପମାତ୍ରା ୪୦.୧ ଡିଗ୍ରୀ ସେଲସିୟସ ହୋଇଥିବାର ରେକର୍ଡ କରାଯାଇଥିଲା । ପାଣିପାଗ ବିଶେଷଜ୍ଞମାନଙ୍କ କହିବା ଅନୁସାରେ, ପାକିସ୍ତାନର ଅନେକ ସହରରେ ଏତେ ତାପମାତ୍ରା ୪୫ ଡିଗ୍ରୀ ସେଲସିୟସ ଉପରେ ରହୁଛି । ସେଠାରୁ ଗରମ ପବନ ରାଜସ୍ଥାନ ଦେଇ ଭାରତ ଭିତରେ ପ୍ରବେଶ କରୁଛି । ଏହା ଯୋଗୁଁ ରାଜସ୍ଥାନ, ୟୁପି, ଦିଲ୍ଲୀ, ହରିୟାଣା ଓ ହିମାଚଳ ପ୍ରଦେଶ ଭଳି ଅନେକ ରାଜ୍ୟରେ ପ୍ରବଳ ଗରମ ଅନୁଭୂତ ହେଉଛି ।
