ମାଲକାନଗିରିରେ ସୁଟିଂ ହେବ ‘ପୁଷ୍ପା ୨’
admin
ମାଲକାନଗିରି : ପୁଷ୍ପା ଚଳଚ୍ଚିତ୍ରର ଦ୍ବିତୀୟ ଭାଗ ସ୍ୱାଭିମାନ ଅଞ୍ଚଳରେ ଖୁବଶୀଘ୍ର ସୁଟିଂ ହେବାକୁ ଯାଉଛି । ଏ ନେଇ ଫିଲ୍ମ ନିର୍ମାଣ ସଂସ୍ଥାର କର୍ମକର୍ତ୍ତାମାନେ ସ୍ୱାଭିମାନ ଅଞ୍ଚଳ, ଗୋବିନ୍ଦପାଲି ଘାଟି ଗସ୍ତ କରି ଭିଭିନ୍ନ ସ୍ଥାନ ପରିଦର୍ଶନ କରିଛନ୍ତି । ଚଳଚ୍ଚିତ୍ରର କିଛି ଭାଗ ସ୍ୱାଭିମାନ ଅଞ୍ଚଳରେ ସୁଟିଙ୍ଗ କରିବା ପାଇଁ ମାଲକାନଗିରି ଜିଲ୍ଲାପାଳ ଓ ଏସପିଙ୍କଠାରୁ ଅନୁମତି ଲୋଡ଼ିଥିବା ଜଣାପଡ଼ିଛି ।ସାରା ଦେଶରେ ଚହଳ ସୃଷ୍ଟି କରିଥିବା ଦକ୍ଷିଣ ଭାରତର ପ୍ରସିଦ୍ଧ ସିନେମା ପୁଷ୍ପାର ଦ୍ବିତୀୟ ଭାଗ ଶୁଟିଂ ପାଇଁ ମାଲକାନଗିରି ଜିଲ୍ଲାକୁ ମନୋନୀତ କରିଛନ୍ତି ଏହାର ପ୍ରଯୋଜନା ଟିମ୍ । ପ୍ରଜୋଜକ ସଂସ୍ଥା ମୈତ୍ରୀ ମୁଭି ମେକର ପକ୍ଷରୁ ପୁଷ୍ପାର ଅପୂର୍ବ ସଫଳତା ହାସଲ କରିଥିବାବେଳେ ପୁଷ୍ପା ୨ଭାଗ ଚଳଚ୍ଚିତ୍ର ନିମନ୍ତେ ଏହି ପ୍ରଯୋଜନା ସଂସ୍ଥା ପକ୍ଷରୁ ଅନ୍ୟ ସ୍ଥାନରେ ସୁଟିଂ କାର୍ୟ୍ୟ ଚାଲୁ ରହିଛି । ଏହି ସଂସ୍ଥା ମାଲକାନଗିରି ଜିଲ୍ଲାର ସ୍ବାଭିମାନ ଅଞ୍ଚଳ ଓ ଗୋବିନ୍ଦପାଲି ଘାଟି ସପ୍ତଧାରା ନଦୀର ବିଭିନ୍ନ ଜାଗାରେ ସୁଟିଂ କରିବା ନିମନ୍ତେ ଆଗ୍ରହ ପ୍ରକାଶ କରିଛନ୍ତି ।
ଏ ନେଇ ପ୍ରଯୋଜନା ଟିମ୍ ମାଲକାନଗିରି ଜିଲ୍ଲାପାଳ ବିଶାଲ ସିଂ ଓ ଏସପି ନିତେଶ ୱାଧୁନୀଙ୍କଠାରୁ ସୁଟିଂ ଅନୁମତି ପାଇଁ ଆବେଦନ କରିଛନ୍ତି । ଚଳଚ୍ଚିତ୍ର ନିର୍ମାଣ ସଂସ୍କାର ଏକ ଟିମ୍ ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନ ବୁଲିଥିବାବେଳେ ଶେଷରେ ସ୍ବାଭିମାନ ଅଞ୍ଚଳର ଝୁଲା ପୋଲ, ହନ୍ତାଳଗୁଡା ଘାଟିର ଭିୟୁ ପଏଣ୍ଟ ଓ ଚିତ୍ରକୋଣ୍ଡା ସ୍କିଲବୈର ନିର୍ମାଣାଧୀନ ପୋଲ, ଜାନବାଇର ଗୁରୁପ୍ରିୟା ସେତୁ, ଗୋବିନ୍ଦପାଲି ଘାଟି ସପ୍ତଧାରା ଝରଣା ନିକଟରେ ସୁଟିଂ କରିବା ନିମନ୍ତେ ଯୋଜନା କରିଛନ୍ତି ।
