ରଥଯାତ୍ରାକୁ ନେଇ ଚାଲିଛି ଲୁଚକାଳି ଖେଳ: ବରିଷ୍ଠ ଦଇତାପତି
ରଥଯାତ୍ରାକୁ ନେଇ ଚାଲିଛି ଲୁଚକାଳି ଖେଳ: ବରିଷ୍ଠ ଦଇତାପତି
admin
2263
ମହାପ୍ରଭୁ ଶ୍ରୀ ଜଗନ୍ନାଥଙ୍କ ସହ ଖେଳ ଚାଲିଛି ବୋଲି ବରିଷ୍ଠ ଦଇତାପତି ବିନାୟକ ଦାସମହାପାତ୍ର କହିଛନ୍ତି । ରଥ ନିର୍ମାଣ ନେଇ କେନ୍ଦ୍ରକୁ ରାଜ୍ୟ ଅନୁମତି ମାଗିବା ଘଟଣାକୁ ସମାଲୋଚନା କରି ଶ୍ରୀ ଦାସମହାପାତ୍ର ଏଭଳି କହିଛନ୍ତି । ସେ କହିଛନ୍ତି ଏବେ ରଥ ନିର୍ମାଣ ନେଇ କେନ୍ଦ୍ରକୁ ରାଜ୍ୟ ଅନୁମତି ମାଗିବା ସମ୍ପୂର୍ଣ୍ଣ ଡ୍ରାମା । ଲୁଚକାଳି ଖେଳ ଚାଲିଛି । ଜାଣି ଶୁଣି, ଜବରଦସ୍ତି ରଥଯାତ୍ରା ବନ୍ଦ କରିବା ଠିକ ନୁହେଁ । ରଥ ଯାତ୍ରା ଆଉ ହେଲା ଭଳି ଲାଗୁନାହିଁ । ରଥ ବନ୍ଦ ହୋଇଗଲେ, ଯେଉଁମାନେ ଖଳନାୟକ ସେମାନେ ସାମନାକୁ ଆସିବେ ବୋଲି ବିନାୟକ ଦାସମହାପାତ୍ର କହିଛନ୍ତି ।
ପ୍ରକାଶ ଯେ, ଲକଡାଉନ ଥିବାରୁ ରଥ କାମ ହେବ କି ନାହିଁ ସେ ନେଇ କେନ୍ଦ୍ର ଠାରୁ ରାଜ୍ୟ ସରକାର ଅନୁମତି ଲୋଡ଼ିଛନ୍ତି । ପୂର୍ବରୁ ଶ୍ରୀମନ୍ଦିର ପରିଚାଳନା କମିଟି ରଥ ନିର୍ମାଣ ପାଇଁ ରାଜ୍ୟ ସରକାରଙ୍କ ଅନୁମତି ଲୋଡ଼ିଥିଲା । ପରିଚାଳନା କମିଟି ବୈଠକ ପରେ ସରକାରଙ୍କ ନିଷ୍ପତ୍ତିକୁ ଅପେକ୍ଷା ରହିଥିଲା ।
