ରାଜ୍ୟରେ ପ୍ଲାଟୋ ସ୍ଥିତିରେ କରୋନା

Apr 26, 2021 - 06:04 Updated: Apr 26, 2021 - 06:04

4641

ଭୁବନେଶ୍ୱର: ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି । ବଢୁଛି କରୋନାର କାୟା । ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା ରାଜ୍ୟରେ ପ୍ଲାଟୋ ସ୍ଥିତିରେ କରୋନା ରହିଥିବା ଡିଏମଇଟି କହିଛନ୍ତି । ଡିଏମଇଟି ପ୍ରଫେସର ସିବିକେ ମହାନ୍ତି ଗୁରୁତ୍ୱପୂର୍ଣ୍ଣ ପ୍ରତିକି୍ରୟା ଦେଇଛନ୍ତି । ଶ୍ରୀ ମହାନ୍ତି କହିଛନ୍ତି ଯେ, ଗତ ୫ଦିନ ହେବ ରାଜ୍ୟରେ ଆକ୍ରାନଙ୍କ ସଂଖ୍ୟା ଗୋଟିଏ ସ୍ତରରେ ରହୁଛି । ଗୋଟିଏ ସ୍ତରରେ ରହୁଥିବାରୁ ଆମେ ଏହାକୁ ପ୍ଲାଟୋ କହୁଛୁ । ଆଗକୁ ଏହି ପରିସଂଖ୍ୟାନ ଆହୁରି କମିବା ଆଶା କରୁଛୁ । ତେବେ ଆଗକୁ କଣ ହେବ ନିଦ୍ଧିଷ୍ଟ ଭାବେ କହି ହେବନି ବୋଲି ଡିଏମଇଟି କହିଛନ୍ତି ।