ଲୁଟେରାକୁ ନିଧୁମ ମାଡ ମାରିଲେ ଯୁବତୀ
ଲୁଟେରାକୁ ନିଧୁମ ମାଡ ମାରିଲେ ଯୁବତୀ
admin
4634
ଯାଁଳା: ଯାଁଳା ପୋଷ୍ଟ ଅଫିସ ଛକ ନିକଟରେ ଜଣେ ଯୁବତୀଙ୍କ ଠାରୁ ଭ୍ୟାନିଟି ନେଇ ଲୁଟେରାମାନେ ପଳାଉଥିବା ବେଳେ ଉଭୟ ଯୁବତୀ ଓ ତାଙ୍କ ଭାଇଙ୍କ ହାବୁଡରେ ପଡି ନିର୍ଧୁମ ମାଡ଼ ଖାଇଚନ୍ତି । ବିକଳରେ ଜଣେ ଲୁଟେରା ବାଇକ ଛାଡି ପଳାଇଛି । ଖବର ଅନୁଯାୟୀ ପାତ୍ରପଡ଼ା ଗ୍ରାମର ସ୍ୱପ୍ନାରାଣୀ ଚମ୍ପତି (୨୬) ଏବଂ ସେହି ଗ୍ରାମର ତାଙ୍କ ଜଣେ ସମ୍ପର୍କୀୟ ଭାଇ ସୂର୍ଯ୍ୟକାନ୍ତ ମାର୍ଥ (୨୮) ଏକ ସ୍କୁଟିରେ ଖୋର୍ଦ୍ଧାରୁ ଫେରୁଥିଲେ । ୧୬ ନମ୍ବର ଜାତୀୟ ରାଜପଥ ଯାଁଳା ପୋଷ୍ଟ ଅଫିସ ଛକ ନିକଟରେ ପଛରୁ ଏକ ପଲସରରେ ଦୁଇ ଲୁଟେରା ଆସି ସ୍ୱପ୍ନାରାଣୀଙ୍କ ଭ୍ୟାନିଟି ଝାମ୍ପି ନେଇଥିଲେ । ଭାଇ ସୂର୍ଯ୍ୟକାନ୍ତ ଲୁଟେରା ପିଛା କରିଥିଲେ । ୧ କିଲୋମିଟର ଦୂରରେ କେକେ ପେଟ୍ରୋଲ ପମ୍ପ ସମ୍ମୁଖରେ ଲୁଟେରାଙ୍କ ବାଇକ ଷ୍ଟାର୍ଟ ବନ୍ଦ ହୋଇଯାଇଥିଲା । କିଛି ସ୍ଥାନୀୟ ଲୋକଙ୍କ ସହିତ ସ୍ୱପ୍ନାରାଣୀ ଓ ସୂର୍ଯ୍ୟକାନ୍ତ ଲୁଟେରାଙ୍କୁ କାବୁ କରିନେଇଥିଲେ । ଲୋକଙ୍କ ମାଡ଼ରେ ଲୁଟେରା ଦୁହେଁ ସେଠାରେ ବାଇକ ଛାଡ଼ି ପଳାଇଥିଲେ । ତାଙ୍କଠାରୁ ଭ୍ୟାନିଟି ଉଦ୍ଧାର କରାଯାଇଛି । ଯୁବତୀ ଜଣକ ପୁଲିସ କଣ୍ଟ୍ରୋଲ ରୁମକୁ ଫୋନ କରିଥିଲେ । ଯାଁଳା ଫାଣ୍ଡି ପୁଲିସ ଘଟଣା ସ୍ଥଳରେ ପହଞ୍ଚି ଲୁଟେରା ମାନେ ବ୍ୟବହୃତ କରିଥିବା ବାଇକ ଟିକୁ ଜବତ କରିଥିଲେ ।
