ଶ୍ରୀମନ୍ଦିର ସେବାୟତଙ୍କର ହେବ ୨ଥର କୋରାନା ଟେଷ୍ଟ ।
ଶ୍ରୀମନ୍ଦିର ସେବାୟତଙ୍କର ହେବ ୨ଥର କୋରାନା ଟେଷ୍ଟ ।
admin
5703
ରଥଯାତ୍ରାରେ ସାମିଲ ୫ ହଜାର ବ୍ୟକ୍ତିଙ୍କ କୋଭିଡ ଟେଷ୍ଟ କରାଯିବ । ତେବେ ଅଢେଇ ହଜାର ସେବାୟତଙ୍କ ୨ ରାଉଣ୍ଡ କୋଭିଡ ଟେଷ୍ଟ କରାଯିବ ବୋଲି ଶ୍ରୀମନ୍ଦିର ପରିଚାଳନା କମିଟି ଉପାଧ୍ୟକ୍ଷ ସୁରେଶ ମହାପାତ୍ର ସୂଚନା ଦେଇଛନ୍ତି । ସେବାୟତ ବ୍ୟତୀତ ପୁଲିସ ଓ ସଫେଇ କର୍ମଚାରୀଙ୍କ ବି ଟେଷ୍ଟ ହେବ । ଆଜି ପୁରୀ ସର୍କିଟ ହାଉସରେ ଅନୁଷ୍ଠିତ ରଥଯାତ୍ରା ବୈଠକ ଶେଷ ପରେ ଶ୍ରୀ ମହାପାତ୍ର କହିଛନ୍ତି । ୨୮ ତାରିଖ ରଥ ଦକ୍ଷିଣ ମୋଡ଼ ପୂର୍ବରୁ କୋଭିଡ ଟେଷ୍ଟ ହେବ । ଯେଉଁମାନଙ୍କ ଟେଷ୍ଟ ନେଗେଟିଭ ଆସିବ ସିଏ ସାମିଲ ହେବେ । ସମ୍ପୂର୍ଣ୍ଣ ପୁରୀ ସହରକୁ ସାନିଟାଇଜ କରାଯିବ ବୋଲି ଶ୍ରୀ ମହାପାତ୍ର ସୂଚନା ଦେଇଛନ୍ତି ।
ଅନ୍ୟପକ୍ଷରେ ସେବାୟତଙ୍କ ପରିବାରକୁ କୋଭିଡ ନିୟମ ସମ୍ପର୍କରେ ଅବଗତ କରାଯିବ । କୋଭିଡ ନିୟମ ଅବଗତ କରିବାକୁ ଟିମ ଗଠନ କରାଯିବ । ଏହାଛଡ଼ା ରଥଯାତ୍ରା ପାଇଁ ଆଉ ୫ ହଜାର ମାସ୍କ ମଗାଯାଇଥିବା ଶ୍ରୀ ମହାପାତ୍ର କହିଛନ୍ତି ।
ଅନ୍ୟପକ୍ଷରେ ରଥଯାତ୍ରାରେ ସାମିଲ ପୁଲିସ କର୍ମଚାରୀଙ୍କ କରୋନା ଟେଷ୍ଟ ଆରମ୍ଭ ହୋଇଛି । ଗତକାଲି ରଥଯାତ୍ରାରେ ସାମିଲ ଥିବା ୧ ହଜାରରୁ ଅଧିକ ପୁଲିସ କର୍ମଚାରୀଙ୍କ କୋଭିଡ ଟେଷ୍ଟ କରାଯାଉଛି । ଗୋପବନ୍ଧୁ ଆୟୁର୍ବେଦ କଲେଜରେ ସାମ୍ପଲ ସଂଗ୍ରହ ଚାଲିଥିବା ଜଣାଯାଇଛି ।
କୋଭିଡ କଟକଣା ଭିତରେ ଗତକାଲି ପହଣ୍ଡି ସମୟରେ ଦଇତାପତି ସେବାୟତମାନେ ସାମାଜିକ ଦୂରତା ନରଖିଲେ ବି ସମସ୍ତେ ମୁହଁରେ ମାସ୍କ ପିନ୍ଧିଥିଲେ ଏବଂ ପାଖରେ ସାନିଟାଇଜର ରଖିବାର ଦୃଶ୍ୟ ଦେଖିବାକୁ ମିଳିଥିଲା । ଏପରିକି ଘଂଟୁଆମାନେ ମଧ୍ୟ ସାମାଜିକ ଦୂରତା ରକ୍ଷା କରି ଘଂଟ ବଜାଉଥିଲେ । ସୁପ୍ରିମକୋର୍ଟ ରଥଯାତ୍ରା ହେବା ନେଇ ଘୋଷଣା କରିବା ଆଉ ରଥ ଗଡିବା ମଧ୍ୟରେ ଥିବା କିଛି ଘଂଟା ମଧ୍ୟରେ ବେଶ ତତ୍ପରତାର ସହିତ ମହାପ୍ରଭୁଙ୍କ ନୀତିକାନ୍ତି ସମ୍ପନ୍ନ ହେବା ସହିତ ରଥ ଗଡିଥିଲା ବଡଦାଣ୍ଡରେ । ଆଉ ପହଂଚିଥିଲା ଗୁଣ୍ଡିଚା ମନ୍ଦିରରେ ।
