ସାବଧାନ! ସାନିଟାଇଜର ଅଧିକ ବ୍ୟବହାର କଲେ ଭୋଗି ପାରନ୍ତି ଏମିତି ସମସ୍ୟା
ସାବଧାନ! ସାନିଟାଇଜର ଅଧିକ ବ୍ୟବହାର କଲେ ଭୋଗି ପାରନ୍ତି ଏମିତି ସମସ୍ୟା
admin
4560
କରୋନାରେ ଗଭୀର ଭାବରେ ପ୍ରଭାବିତ ଜନ ସାଧାରଣଙ୍କ ପାଇଁ ଆଉ ଏକ ଖରାପ ଖବର । କରୋନା ପରବର୍ତ୍ତୀ ସମୟରେ ସାନିଟାଇଜରର ବ୍ୟବହାର ବଢିଥିବା ବେଳେ ଆଜି ଏହାକୁ ନେଇ ବୈଜ୍ଞାନିକ ମାନେ ସତର୍କ ସୂଚନା ଦେଇଛନ୍ତି । କଞ୍ଜ୍ୟୁମର ଗାଇଡାନ୍ସ ସୋସାଇଟି ଅଫ ଇଣ୍ଡିଆ ପକ୍ଷରୁ ପ୍ରକାଶ ପାଇଥିବା ରିପୋର୍ଟ ଅନୁଯାୟୀ ସାନିଟାଇଜରର ମାତ୍ରାଧିକ ବ୍ୟବହାର କାରଣରୁ ବିଭିନ୍ନ ପ୍ରକାରର ରୋଗ ହୋଇପାରେ । ୧୨୨ଟି ପରୀକ୍ଷଣରୁ ଏହି ତଥ୍ୟ ପ୍ରକାଶ ପାଇଛି । ଏହି ସାନିଟାଇଜର ଗୁଡିକରେ ମେଥାନଲ ରହିଛି, ଯାହାକି ଅତ୍ୟନ୍ତ ବିଷାକ୍ତ । ୧୨୨ଟି ନମୂନା ମଧ୍ୟରୁ ୪୫ ପ୍ରତିଶତ ନମୂନାରେ ଆବଶ୍ୟକତା ଠାରୁ ଅଧିକ ମେଥାନଲ ରହିଛି । ଏହା ମଧ୍ୟରୁ ୪ପ୍ରତିଶତ ସାନିଟାଇଜରରେ ଅଧିକ ପରିମାଣରେ ମେଥାନଲ ରହିଛି ଯାହାକି ଚକ୍ଷୁର ସ୍ନାୟୁ ନଷ୍ଟ କରିବା ସହିତ ଅନ୍ଧ କରିବାର କ୍ଷମତା ରହିଥାଏ ।
କେବଳ ମହାରାଷ୍ଟ୍ରରେ ଉପଲବ୍ଧ ସାନିଟାଇଜରର ପରୀକ୍ଷଣରୁ ଏହି ତଥ୍ୟ ପ୍ରକାଶ ପାଇଛି । ଏହା ବ୍ୟତିତ ଏହି ସାନିଟାଇଜର ଗୁଡିକର ମାତ୍ରାଧିକ ବ୍ୟବହାରର ଅନ୍ୟାନ୍ୟ ପାଶ୍ୱର୍ ପ୍ରତିକ୍ରିୟା ମଧ୍ୟ ରହିଛି । ଏହା କିଡନୀ ଏବଂ ଫୁସଫୁସ ଉପରେ ମଧ୍ୟ ପ୍ରଭାବ ପକାଇଥାଏ । ତେଣୁ ସାନିଟାଇଜର ବ୍ୟବହାର କରିବା ପୂର୍ବରୁ ସାବଧାନତା ଅବଲମ୍ବନ କରନ୍ତୁ ।
