ସୁବାସ ପାଣିଗ୍ରାହୀ କ୍ଷମା ମାଗିବେ ନାହିଁ : ମୋହନ ମାଝୀ
ସୁବାସ ପାଣିଗ୍ରାହୀ କ୍ଷମା ମାଗିବେ ନାହିଁ : ମୋହନ ମାଝୀ
admin
5242
ଭୁବନେଶ୍ୱର: ବିଜେପି ବିଧାୟକ ସୁବାସ ପାଣିଗ୍ରାହୀ ଗତକାଲି ଗୃହରେ ଆତ୍ମହତ୍ୟା ଉଦ୍ୟମ କରିଥିବାବେଳେ ଏହାକୁ ନେଇ ବିଜେଡି ସଦସ୍ୟ ପ୍ରତିବାଦ କରିଛନ୍ତି । ଏନେଇ ବିଜେଡି ସଦସ୍ୟ ତାଙ୍କୁ କ୍ଷମା ମାଗିବାକୁ ନେଇ ଅଡ଼ି ବସିଛନ୍ତି । କ୍ଷମା ନମାଗିବା ପର୍ଯ୍ୟନ୍ତ ଗୃହ ଚଳାଇ ଦେବୁନି ବୋଲି ବିଜେଡି ସଦସ୍ୟ କହିଛନ୍ତି ।
ତେବେ କ୍ଷମା ମାଗିବାର ପ୍ରଶ୍ନ ଉଠୁନି ବୋଲି ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ କହିଛନ୍ତି । ସେ କହିଛନ୍ତି ଯେ, କ୍ଷମା ମାଗିବାର ପ୍ରଶ୍ନ ଉଠୁନି । ବାଚସ୍ପତିଙ୍କ ପାଖରେ କ୍ଷମତା ଅଛି । ଏନେଇ ସେ ନିଷ୍ପତ୍ତି ନିଅନ୍ତୁ । ଯେତେବେଳେ ସରକାର କିଛି ଶୁଣିଲେ ନାହିଁ ଆଉ ସେ କ’ଣ କରିଥାନ୍ତେ । ଇଏ ଚାଷୀ ବିରୋଧୀ ସରକାର । ଚାଷୀଙ୍କ ଦୁଃଖ ଦେଖନ୍ତି ନାହିଁ ବୋଲି ମୋହନ ମାଝୀ କହିଛନ୍ତି ।
ପ୍ରକାଶ ଯେ, ମଣ୍ଡି ସମସ୍ୟାକୁ ନେଇ ଗତକାଲି ବିଧାନସଭା ସରଗରମ ହୋଇଥିଲା । ଚାଷୀଙ୍କ ପାଇଁ ବିରୋଧୀ ଏକାଠି ହୋଇ ସରକାରଙ୍କୁ ଘେରିଥିଲେ । ବିରୋଧୀଙ୍କ ଆକ୍ରମଣାତ୍ମକ ଆଭିମୁଖ୍ୟ ପାଇଁ ଗତକାଲି ଗୃହ ବାରବାର ମୁଲତବୀ ହୋଇଥିଲା । ତେବେ ଅପରାହ୍ନରେ ଏକ ଅସ୍ୱାଭାବିକ ଘଟଣା ଦେଖିବାକୁ ମିଳିଥିଲା । ବିଜେପି ବିଧାୟକ ସୁବାସ ପାଣିଗ୍ରାହୀ ସାନିଟାଇଜର ପିଇବାକୁ ଉଦ୍ୟମ କରିଥିଲେ । ତେବେ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ଓ ଅନ୍ୟ ବିଧାୟକମାନେ ସାନିଟାଇଜର ବୋତଲ ଛଡ଼ାଇ ଆଣିଥିଲେ ।
