ହସପିଟାଲରେ ମହାନ ଅଭିନେତା ଦିଲୀପ କୁମାର

Jun 6, 2021 - 05:45 Updated: Jun 6, 2021 - 05:45

5747

ନୂଆଦିଲ୍ଲୀ : ମହାନ ଅଭିନେତା ଦିଲୀପ କୁମାର ଅସୁସ୍ଥ ହୋଇପଡିଛନ୍ତି । ତାଙ୍କୁ ତୁରନ୍ତ ମୁମ୍ବାଇର ହିନ୍ଦୁଜା ହସପିଟାଲରେ ଭର୍ତି କରାଯାଇଛି । ବରିଷ୍ଠ ଡାକ୍ତରମାନେ ତାଙ୍କର ଚିକିତ୍ସା କରୁଥିବାବେଳେ ସଦ୍ୟତମ ସ୍ଥିତି ସମ୍ପର୍କରେ ସୂଚନା ମିଳିପାରିନାହିଁ । ଗତମାସରେ ମଧ୍ୟ ୯୮ ବର୍ଷୀୟ ଅଭିନେତା ଦିଲୀପ କୁମାରଙ୍କୁ ଡାକ୍ତରଖାନାରେ ଭର୍ତି କରାଯାଇଥିଲା । ତେବେ ଦୁଇଦିନ ପରେ ସେ ହସପିଟାଲରୁ ଘରକୁ ଯାଇଥିଲେ । ଗତବର୍ଷ ମାର୍ଚ୍ଚରୁ ଦିଲୀପ କୁମାର ଓ ତାଙ୍କର ଅଭିନେତ୍ରୀ ପନôୀ ସାଇରା ବାନୁ ଏକରକମ ଆଇସୋଲେସନରେ ରହି ଆସୁଛନ୍ତି । ଅପରପକ୍ଷରେ ସାଇରା ବାନୁ ଦିଲୀପଙ୍କ ସ୍ୱାସ୍ଥ୍ୟବସ୍ଥା ନେଇ କହିଛନ୍ତିଯେ, ସବୁ କିଛି ଠିକ ଅଛି । ଆଲାଙ୍କ କୃପାରୁ ଓ ଆପଣଙ୍କ ପ୍ରାର୍ଥନାରୁ ସେ ଠିକ ଅଛନ୍ତି ବୋଲି କହିଛନ୍ତି । ଗତବର୍ଷ ଦିଲୀପ କୁମାରଙ୍କ ଭାଇ ଏହସାନ ଖାନ ଓ ଆସଲାମ ଖାନ କରୋନାରେ ଆକ୍ରାନ୍ତ ହୋଇ ଡାକ୍ତରଖାନାରେ ଭର୍ତି ହୋଇଥିଲେ । ତେବେ ମୁମ୍ବାଇର ଲୀଳାବତୀ ହସପିଟାଲରେ ଉଭୟଙ୍କର ମୃତୁ୍ୟ ହୋଇଥିଲା ।