ହାଇ ବଜେଟର RRR, ଏନଟିଆର ନେଲେ କେତେ
ହାଇ ବଜେଟର RRR, ଏନଟିଆର ନେଲେ କେତେ
admin
ମୁମ୍ବାଇ : ସାରା ଦେଶରେ ଆରଆରଆର ସିନେମା କରିଛି ହଇଚଇ। ପ୍ରାୟ ୪୦୦ କୋଟି ଟଙ୍କା ବଜେଟରେ ନିର୍ମିତ ଏହି ସିନେମା ଏବେ ସିନେ ବଜାରରେ କମାଲ ବ୍ୟବସାୟ କରିଛି । ଇତିମଧ୍ୟରେ ଏହି ସିନେମା ପାଖପାଖି ୩୦୦ କୋଟି ଟଙ୍କା ବ୍ୟବସାୟ କରିସାରିଥିବାବେଳେ ୫୦୦ କୋଟି ଟଙ୍କା କପି ରାଇଟରୁ ପାଇଥିବା ଜଣାପଡ଼ିଛି ।
ତେବେ ସେ ଯାହାହେଉନା କାହିଁକି ଏହି ସିନେମାର ଲିଡ଼ ରୋଲରେ ରହିଛନ୍ତି ଜୁନିଅର ଏନଟିଆର ଓ ରାମଚରଣ । ସିନେମାରେ ଅଭିନୟ ପାଇଁ ଏହି ଦୁଇ ଅଭିନେତା ୪୫ କୋଟି ଲେଖାଏଁ ନେଇଥିବା ଜଣାପଡ଼ିଛି । ଏମିତିକି ଅଳ୍ପ ସମୟ ପାଇଁ ସିନେମାରେ ଅଭିନୟ କରିଥିବା ଅଜୟ ଦେବଗନ ମଧ୍ୟ ୨୫ କୋଟି ଟଙ୍କା ନେଇଥିବା ସିନେ ଇଣ୍ଡଷ୍ଟ୍ରିରେ ଚର୍ଚ୍ଚା ହେଉଛି । ଆଲିଆ ଭଟ୍ଟ ବି ସ୍ୱଳ୍ପ ଅଭିନୟ ପାଇଁ ୯ କୋଟି ଟଙ୍କା ନେଇଥିବାବେଳେ ଏହାର ଚର୍ଚ୍ଚିତ ନିର୍ଦ୍ଦେଶକ ଏସଏସ ରାଜାମୌଲୀ ୩୦ କୋଟି ନେବା ସହ ଲାଭର ୩୦% ଡିମାଣ୍ଡ କରିଥିଲେ ।
ରାଜମୌଲୀଙ୍କ ବାହୁବଳୀ ପରେ ଏହା ଏବେ ରେକଡର଼୍ ସୃଷ୍ଟି କରିଛି । ବାହୁବଳୀ କନକ୍ଲୁଜନର ବଜେଟ ୨୫୦ କୋଟି ଟଙ୍କା ରହିଥିଲା । ଯେତେବେଳେକି ସେହି ସିନେମା ପାଇଁ ରାଜମୌଲୀ ୨୮ କୋଟି ଟଙ୍କା ନେଇଥିବାବେଳେ ପ୍ରଭାସ ୨୫ କୋଟି ଔ ରାନା ଦୁଗୁବତୀ ୧୫ କୋଟି ଟଙ୍କା ନେଇଥିଲେ ।
