୧୩ରେ ହେବ ଅଭିଭାବକ ଓ ଶିକ୍ଷକ ଶିକ୍ଷୟିତ୍ରୀଙ୍କ ବୈଠକ
୧୩ରେ ହେବ ଅଭିଭାବକ ଓ ଶିକ୍ଷକ ଶିକ୍ଷୟିତ୍ରୀଙ୍କ ବୈଠକ
admin
5426
ଭୁବନେଶ୍ୱର: ମାଟି୍ରକ ପରୀକ୍ଷାକୁ ଦୃଷ୍ଟିରେ ରଖି ଆସନ୍ତା ୧୩ ତାରିଖରେ ସାରା ରାଜ୍ୟରେ ଅଭିଭାବକ ଓ ଶିକ୍ଷକ ଶିକ୍ଷୟିତ୍ରୀଙ୍କ ବୈଠକ ( ପିଟିଏମ) ଅନୁଷ୍ଠିତ ହେବ । ସ୍କୁଲ କ୍ୟାମ୍ପସରେ ହେବାକୁ ଥିବା ଏହି ବୈଠକରେ ଅବଧି ଦୁଇ ଘଣ୍ଟା ରଖାଯାଇଛି । ଛାତ୍ରଛାତ୍ରୀଙ୍କ ପାଠପଢ଼ା ଯେପରି ପ୍ରଭାବିତ ନ ହୁଏ, ତାହାକୁ ନଜରରେ ରଖି ସମୟ ଧାର୍ଯ୍ୟ କରିବାକୁ ସ୍କୁଲ ପ୍ରଧାନଶିକ୍ଷକ/ଶିକ୍ଷୟିତ୍ରୀଙ୍କୁ କୁହାଯାଇଛି । ବୈଠକରେ ୭ ଦିନ ପୂର୍ବରୁ ପ୍ରଧାନ ଶିକ୍ଷକମାନେ ଏ ସମ୍ପର୍କରେ ଅଭିଭାବକଙ୍କୁ ଅବଗତ କରାଇବେ । ବୈଠକରେ କେଉଁ କେଉଁ ବିଷୟରେ ଆଲୋଚନା ହେବ, ସେ ନେଇ ଅଭିଭାବକଙ୍କୁ ସ୍ପଷ୍ଟ ଭାବେ କୁହାଯିବ । ବୈଠକରେ ଅଭିଭାବକଙ୍କ ସଂଖ୍ୟା ଅତି ବେଶିରେ ଶହେ ହେବ । ଅଧିକ ଥିଲେ, ଦୁଇଟି ପର୍ଯ୍ୟାୟରେ ବୈଠକରେ କରାଯିବ । କୋଭିଡ-୧୯ ନିୟମକୁ କଡ଼ାକଡ଼ି ପାଳନ କରିବାକୁ କୁହାଯାଇଛି । ବିଦ୍ୟାଳୟରେ ୧୦୦ ଦିନର ପାଠପଢ଼ା, କୋଭିଡ-୧୯ ସୁରକ୍ଷା ଓ ସତର୍କତା, ସ୍କୁଲ ଖୋଲିବା ପରେ ଜାରି ହୋଇଥିବା ଏସଓପି, ଛାତ୍ରଛାତ୍ରୀଙ୍କ ସାମାଜିକ ଭାବପ୍ରବଣତା, ପରୀକ୍ଷା ଦର୍ପଣ ବିଷୟରେ ବୈଠକରେ ଆଲୋଚନା କରାଯିବ ।
