୧୫ ବର୍ଷ ପରେ ବିଜେପି ହାତେଇଲା ବାଚସ୍ପତି ପଦ
୧୫ ବର୍ଷ ପରେ ବିଜେପି ହାତେଇଲା ବାଚସ୍ପତି ପଦ
admin
4943
ପାଟନା : ପ୍ରାୟ ୧୫ ବର୍ଷ ପରେ ବିହାର ବିଧାନସଭାରେ ବାଚସ୍ପତି ପଦ ହାତେଇଛି ବିଜେପି । ବିଜେପି ବିଧାୟକ ବିଜୟ ସିହ୍ନା ବିହାର ବିଧାନସଭାର ବାଚସ୍ପତି ରୂପେ ନିର୍ବାଚିତ ହୋଇଛନ୍ତି । ବାଚସ୍ପତି ପଦ ପାଇଁ ନିର୍ବାଚନରେ ମହାମେଣ୍ଟର ତଥା ଆରଜେଡି ବିଧାୟକ ଅବଧ ବିହାରୀ ଚୌଧୁରୀ ପରାସ୍ତ ଲାଭ କରିଛନ୍ତି । ବାଚସ୍ପତି ଚୟନ ପାଇଁ ଭୋଟିଂ ହୋଇଥିଲା । ଏହି ଭୋଟିଂ ପ୍ରକ୍ରିୟାରେ ୨୪୦ଜଣ ସଦସ୍ୟ ସାମିଲ୍ ହୋଇଥିଲେ । ଏଥିରେ ୧୨୬ଜଣ ବିଧାୟକ ବିଜୟ କୁମାର ସିହ୍ନାଙ୍କୁ ସମର୍ଥନ କରିଥିବାବେଳେ ଅବଧ ବିହାରୀଙ୍କୁ ୧୧୪ଜଣ ଭୋଟ୍ ଦେଇଥିଲେ ।
ସୂଚନାଯୋଗ୍ୟ, ୧୯୬୭ ଜୁନ୍ ୫ରେ ଜନ୍ମଗ୍ରହଣ କରିଥିବା ବିଜୟ ସିହ୍ନା ସରକାରୀ ପଲିଟେକ୍ନିକ୍ କଲେଜରୁ ସିଭିଲ୍ ଇଞ୍ଜିନିୟରିଂରେ ଡିପ୍ଲୋମା କରିଛନ୍ତି। ବର୍ତ୍ତମାନ ବିଜୟ ସିହ୍ନା ବିହାରର ଲାଖାଇସରାଇ ବିଧାନସଭା ଆସନରୁ ବିଧାୟକ। ସେ ଲଗାତାର ତୃତୀୟ ଥର ପାଇଁ ଏହି ନିର୍ବାଚନରେ ଜିତିଛନ୍ତି।
ଚଳିତ ନିର୍ବାଚନରେ ବିଜୟ ସିହ୍ନା ଦଶ ହଜାରରୁ ଅଧିକ ଭୋଟ୍ ବ୍ୟବଧାନରେ ମହାମେଣ୍ଟ ପ୍ରାର୍ଥୀ ଭାବରେ କଂଗ୍ରେସ ପ୍ରାର୍ଥୀ ଅମୃତ କୁମାରଙ୍କୁ ପରାସ୍ତ କରିଛନ୍ତି। ଜଣେ ବିଧାୟକ ହେବା ବ୍ୟତୀତ ପୂର୍ବ ସରକାରରେ ସେ ବିହାରର ଶ୍ରମ ସମ୍ବଳ ମନ୍ତ୍ରୀ ଥିଲେ।
