ଏ ଭାଇରସ ବହୁତ ଧୂର୍ତ୍ତ, ବାରମ୍ବାର ମୁ୍ୟଟେସନ ଦେଖାଯାଉଛି
ଏ ଭାଇରସ ବହୁତ ଧୂର୍ତ୍ତ, ବାରମ୍ବାର ମୁ୍ୟଟେସନ ଦେଖାଯାଉଛି
admin
2749
ନୂଆଦିଲ୍ଲୀ: ଦେଶରେ ଭୟଙ୍କର ହେଉଛି କରୋନା ସ୍ଥିତି । ବଢୁଛି କରୋନାର କାୟା । ସ୍ଥିତି ହେଉଛି ବେକାବୁ । ଦେଶରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ ଗୋଟିଏ ରାଜ୍ୟରେ ପ୍ରବେଶ କରିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ଏହି ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ସର୍ବାଧିକ କୋଭିଡ ପ୍ରଭାବିତ ୫୪ ଜିଲ୍ଲାର ଜିଲ୍ଲାପାଳମାନଙ୍କ ସହ କଥା ହୋଇଛନ୍ତି । ଏଥିସହ କୋଭିଡ ପରିଚାଳନା ପାଇଁ ମୋଦୀ ସେମାନଙ୍କୁ କିଛି ପରାମର୍ଶ ମଧ୍ୟ ଦେଇଛନ୍ତି ।
ଏହି ଅବସରରେ ମୋଦୀ ଜିଲ୍ଲାପାଳମାନଙ୍କୁ କହିଛନ୍ତି ଯେ, ଆପଣମାନେ ନିଜ ନିଜ ଜିଲ୍ଲାକୁ ସଂକ୍ରମଣମୁକ୍ତ ନିଶ୍ଚିତ କରିବେ । ପ୍ରଥମେ ଆମକୁ ପ୍ରତି ଗାଁକୁ ସଂକ୍ରମଣ ମୁକ୍ତ କରିବାକୁ ହେବ । ସଂକ୍ରମଣ ଶୂନ୍ୟସ୍ତରରେ ଥିଲେ ବି ଆମକୁ ସତର୍କ ରହିବାକୁ ପଡ଼ିବ । ଏ ଭାଇରସ ବହୁତ ଧୂର୍ତ୍ତ, ବାରମ୍ବାର ମୁ୍ୟଟେସନ ଦେଖାଯାଉଛି । ଏ ଭାଇରସ ସହ ମୁକାବିଲା ପାଇଁ ଆମକୁ ସେମିତି ଡିଲ କରିବାକୁ ପଡ଼ିବ । କରୋନା ମୁକାବିଲା ପାଇଁ ଆମର ରଣକୌଣଳ ବାରମ୍ବାର ପରିବର୍ତ୍ତନ ଜରୁରୀ ବୋଲି ମୋଦୀ କହିଛନ୍ତି ।
ଏହାଛଡ଼ା ଟିକା ଅପଚୟ ରୋକିବାକୁ ମଧ୍ୟ ମୋଦୀ ଜିଲ୍ଲାପାଳମାନଙ୍କୁ ପରାମର୍ଶ ଦେଇଛନ୍ତି । ଗୋଟିଏ ଟିକା ଅପଚୟମାନେ ଜଣକୁ ଟିକାରୁ ବଞ୍ଚିତ କରିବା । ସୁତରାଂ ଟିକା ଅପଚୟ ବନ୍ଦ କରିବା ନିହାତି ଜରୁରୀ । ଦ୍ୱିତୀୟ ଲହର ଯୁବକ ଓ ପିଲାମାନଙ୍କୁ ସଂକ୍ରମତି କରୁଛି । ଏଥିପାଇଁ ଆମ ସମସ୍ତଙ୍କୁ ଅଧିକ ସତର୍କ ରହିବାକୁ ପଡ଼ିବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ।
