ଅଷ୍ଟ୍ରେଲିଆ ବିପକ୍ଷ ଦିନିକିଆ, ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ଘୋଷଣା
admin
ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷରେ ଭାରତ ୩ଟି ଦିନିକିଆ ଖେଳିବ । ମାର୍ଚ୍ଚ ୧୭ରେ ମୁମ୍ବାଇରେ ପ୍ରଥମ ଦିନିକିଆ, ୧୯ରେ ଭାଇଜାକରେ ଦ୍ୱିତୀୟ ଏବଂ ୨୨ରେ ଚେନ୍ନାଇରେ ତୃତୀୟ ଦିନିକିଆ ଖେଳାଯିବ । ଏଥିପାଇଁ ରବିବାର ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ଘୋଷଣା ହୋଇଛି । ରୋହିତ ପ୍ରଥମ ଦିନିକିଆ ଖେଳିବେ ନାହିଁ । ସେ ପାରିବାରିକ କାର୍ୟ୍ୟକ୍ରମରେ ଯୋଗ ଦେବା ପାଇଁ ଛୁଟି ନେଇଛନ୍ତି । ତାଙ୍କ ଅନୁପସ୍ଥିତିରେ ହାର୍ଦ୍ଦିକ ପାଣ୍ଡ୍ୟା ଅଧିନାୟକ ହେବେ ।
ପୁଣି ଦ୍ୱିତୀୟ ଦିନିକିଆରୁ ରୋହିତ ଫେରିବେ । ଘରୋଇ କ୍ରିକେଟ୍ରେ ଉନ୍ନତ ପ୍ରଦର୍ଶନ ଏବଂ ସୌରାଷ୍ଟ୍ରକୁ ରଣଜୀ ଚାମ୍ପିଅନ କରାଇବାରେ ମୁଖ୍ୟ ଭୂମିକା ନିର୍ବାହ କରିଥିବା ପେସ ତାରକା ଜୟଦେବ ଉନାଦକତଙ୍କୁ ଦିନିକିଆ ଦଳରେ ସୁଯୋଗ ମିଳିଛି । ଦୀର୍ଘ ୧୦ ବର୍ଷ ପରେ ସେ ଦିନିକିଆକୁ ଫେରିଛନ୍ତି । ୨୦୧୩ ନଭେମ୍ବର ମାସରେ ୱେଷ୍ଟଇଣ୍ଡିଜ ବିପକ୍ଷରେ ଶେଷ ମ୍ୟାଚ୍ ଖେଳିଥିଲେ ।
ଦିନିକିଆ ଦଳ: ରୋହିତ ଶର୍ମା (ଅଧିନାୟକ), ହାର୍ଦ୍ଦିକ ପାଣ୍ଡ୍ୟା (ଉପ ଅଧିନାୟକ), ଶୁଭମନ ଗିଲ, ବିରାଟ କୋହଲି, ଶ୍ରେୟାସ ଆୟର, ସୂର୍ୟ୍ୟକୁମାର ଯାଦବ, ଲୋକେଶ ରାହୁଲ, ଈଶାନ କିଷନ, ରବୀନ୍ଦ୍ର ଜାଡେଜା, କୁଲଦୀପ ଯାଦବ, ୱାସିଂଟନ ସୁନ୍ଦର, ୟୁଝବେନ୍ଦ୍ର ଚହଲ, ମହମ୍ମଦ ସାମି, ମହମ୍ମଦ ସିରାଜ, ଉମ୍ରାନ ମଲ୍ଲିକ, ସର୍ଦୁଲ ଠାକୁର ଓ ଜୟଦେବ ଉନାଦକତ ।
