RSPରେ ଗ୍ୟାସ୍ ଲିକ୍ : ତଦନ୍ତ ପାଇଁ କମିଟି ଗଠନ
RSPରେ ଗ୍ୟାସ୍ ଲିକ୍ : ତଦନ୍ତ ପାଇଁ କମିଟି ଗଠନ
admin
4685
ରାଉରକେଲା: ରାଉରକେଲା ଷ୍ଟିଲ ପ୍ଲାଣ୍ଟ(ଆରଏସପି)ରେ ଗ୍ୟାସ ଲିକ ହୋଇ ୪ଜଣଙ୍କ ମୃତୁ୍ୟ ଘଟଣାରେ ଗୁରୁବାର ଏକ ବଡ଼ ଖବର ସାମନାକୁ ଆସିଛି । ତାହା ହେଲା ଏହି ଘଟଣାର ତଦନ୍ତ ପାଇଁ ସେଲ ମୁଖ୍ୟାଳୟ ଏକ ଉଚ୍ଚସ୍ତରୀୟ କମିଟି କରିଛି । ବୋକାରୋ ଷ୍ଟିଲ ପ୍ଲାଣ୍ଟ ଇଡି ଅତନୁ ଭୌମିକଙ୍କ ନେତୃତ୍ୱରେ ଉକ୍ତ ଟିମ ଗଠନ କରାଯାଇଛି । ଉକ୍ତ ଟିମରେ କୋଲକାତା, ଭିଲାଇ ଓ ଦୁର୍ଗାପୁର ଷ୍ଟିଲ ପ୍ଲାଣ୍ଟ ସିଜିଏମ ସାମିଲ ହେବେ ବୋଲି ଜଣାଯାଇଛି ।
ଅନ୍ୟପକ୍ଷାରେ ଏହି ଘଟଣାରେ ଆଜି ଆଉ ଜଣଙ୍କୁ ନିଲମ୍ବିତ କରାଯାଇଛି । ସେଫ୍ଟି ବିଭାଗର ଆସିଷ୍ଟାଣ୍ଟ ମ୍ୟାନେଜର ସ୍ମୃତିରଞ୍ଜନ ସାହୁଙ୍କୁ ନିଲମ୍ବିତ କରାଯାଇଛି । ରାଉରକେଲା ଷ୍ଟିଲ ପ୍ଲାଣ୍ଟର ସିଇଓ ତାଙ୍କୁ ନିଲମ୍ବନ କରିଛନ୍ତି । କାର୍ଯ୍ୟକରେ ଅବହେଳା ପାଇଁ ଗତକାଲି ୨ ଜଣ ଉପମହାନିଦେ୍ର୍ଧଶ(ଡିଜିଏମ)ଙ୍କୁ ନିଲମ୍ବନ କରାଯାଇଥିଲା ।
ପ୍ରକାଶ ଯେ, ରାଉରକେଲା ଷ୍ଟିଲ ପ୍ଲାଣ୍ଟର କେମିକାଲ ଡିପାର୍ଟମେଣ୍ଟରେ ଗ୍ୟାସ ଲିକ ହୋଇ ହୋଇ ମୋଟ ୪ ଜଣଙ୍କ ମୃତୁ୍ୟ ହୋଇଛି । ଆଇଜିଏଚରେ ଚିକିତ୍ସାଧୀନ ଅବସ୍ଥାରେ ମୋଟ ୪ ଜଣଙ୍କ ମୃତୁ୍ୟ ହୋଇଛି । ୪ ଜଣଙ୍କ ମୃତୁ୍ୟ ନେଇ ଆଇଜିଏଚ କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ଦେଇଥିଲେ । ମୋଟ ୧୦ ଅସୁସ୍ଥଙ୍କ ମଧ୍ୟରୁ ୪ ଜଣଙ୍କୁ ଆଇଜିଏଚରେ ଭର୍ତ୍ତି କରାଯାଇଥିଲା । ତେବେ ସେଠାରେ ସେମାନଙ୍କ ମୃତୁ୍ୟ ହୋଇଥିଲା ।
