ଅଧିନାୟକ ଭାବରେ କୋହଲି ଆକ୍ରମଣାତ୍ମକ ଏବଂ ରୋହିତ ଧୈର୍ଯ୍ୟବାନ : ଖଲିଲ
ଅଧିନାୟକ ଭାବରେ କୋହଲି ଆକ୍ରମଣାତ୍ମକ ଏବଂ ରୋହିତ ଧୈର୍ଯ୍ୟବାନ : ଖଲିଲ
admin
6268
ମୁମ୍ବାଇ : ଭାରତୀୟ ପେସ୍ ବୋଲର ଖଲିଲ ଅହମ୍ମଦ ଅଧିନାୟକ ଏବଂ ଉପ ଅଧିନାୟକଙ୍କ ନେତୃତ୍ୱ ଶୈଳୀ ଉପରେ ନିଜର ମତ ପ୍ରକାଶ କରିଛନ୍ତି । କୋହଲିଙ୍କ ଅଧିନାୟକତ୍ୱ ଶୈଳୀ ଆକ୍ରମଣାତ୍ମକ ମାତ୍ର ରୋହିତ ଶାନ୍ତ ଭାବରେ ସମସ୍ତ ନିଷ୍ପତ୍ତି ଗ୍ରହଣ କରନ୍ତି ବୋଲି ଖଲିଲ ପ୍ରକାଶ କରିଛନ୍ତି । ଉଭୟ ରୋହିତ ଏବଂ କୋହଲିଙ୍କ ନେତୃତ୍ୱ ନେବାର ଶୈଳୀକୁ ପ୍ରଶଂସା କରିବା ସହିତ ଉଭୟ ଖେଳାଳିଙ୍କ ନିକଟରୁ ତାଙ୍କୁ ଅନେକ କିଛି ଶିଖିବାକୁ ମିଳିଥାଏ ବୋଲି ଖଲିଲ କହିଛନ୍ତି । ଉଭୟ ତାଙ୍କୁ ଦଳର ଗୁରୁତ୍ୱପୂର୍ଣ୍ଣ ଅଙ୍ଗ ଭାବରେ ମାନିଥାନ୍ତି । ସେହିପରି ମାତ୍ର ୯ ମ୍ୟାଚ ପୁରୁଣା ଖଲିଲ କହିଛନ୍ତି, ତାଙ୍କ କ୍ୟାରିୟରର ଉତ୍ଥାନରେ ବରିଷ୍ଠ ଖେଳାଳିଙ୍କ ଭୂମିକା ଗୁରୁତ୍ୱପୂର୍ଣ୍ଣ ।
ନିଜ ଦକ୍ଷତା ଉପରେ ଭରସା କରିବା ଭଲ ଜିନିଷ ମାତ୍ର ବରିଷ୍ଠ ଖେଳାଳିଙ୍କ ସାମାନ୍ୟ ସମର୍ଥନ ଏହି ଆତ୍ମବିଶ୍ୱାସକୁ ଦ୍ୱିଗୁଣିତ କରିଥାଏ । ଉଭୟ କୋହଲି ଏବଂ ରୋହିତ ମୋତେ ସମ୍ପୂର୍ଣ୍ଣ ସ୍ୱାଧୀନତା ଦେଇଥାନ୍ତି, ଯାହାକି ଭଲ ପ୍ରଦର୍ଶନରେ ସହାୟକ ହୋଇଥାଏ । ଉଭୟଙ୍କ ଅଧିନାୟକତ୍ୱ ଶୈଳୀ ସମ୍ପୂର୍ଣ୍ଣ ଅଲଗା ହୋଇଥିଲେ ମଧ୍ୟ ଉଭୟ ଭଲ ପ୍ରଦର୍ଶନ ପାଇଁ ସର୍ବଦା ଉତ୍ସାହିତ କରିଥାନ୍ତି ଏବଂ ଏଭଳି ଦୁଇ ଅଧିନାୟକ ପାଇ ମୁଁ ଖୁସି ବୋଲି ଖଲିଲ ଅହମ୍ମଦ ମତ ଦେଇଥିଲେ ।
