ଆଇପିଏଲ ନିଲାମ ପାଇଁ ୧୦୯୭ ଖେଳାଳି ପଞ୍ଜୀକୃତ

Feb 6, 2021 - 08:50 Updated: Feb 6, 2021 - 08:50

2063

ଚେନ୍ନାଇ: ଚଳିତ ମାସ ୧୮ ତାରିଖରେ ହେବ ଆଇପିଏଲ (ଇଣ୍ଡିଆନ ପି୍ରମିୟର ଲିଗର) ର ଚତୁର୍ଦ୍ଧଶ ସଂସ୍କରଣ ପାଇଁ ଖେଳାଳି ନିଲାମ । ଏଥିପାଇଁ ୧୦୯୭ ଖେଳାଳି ପଞ୍ଜୀକୃତ ହୋଇସାରିଛନ୍ତି । ସେଥିରେ ୱେଷ୍ଟଇଣ୍ଡିଜରୁ ସର୍ବାଧିକ ୫୬ ଖେଳାଳି ସାମିଲ ରହିଛି । ଏହା ପଛକୁ ଅଷ୍ଟ୍ରେଲିଆର ୪୨ ଓ ଦକ୍ଷିଣ ଆଫି୍ରକାର ୩୮ ଖେଳାଳି ପଞ୍ଜୀକରଣ କରିଛନ୍ତି । ଖେଳାଳିଙ୍କ ପଞ୍ଜୀକରଣ ଗୁରୁବାରଠୁ ବନ୍ଦ ହୋଇଯାଇଛି । ତେଣୁ ମୋଟ ୧୦୯୭ ମଧ୍ୟରୁ ୨୧ ଭାରତୀୟଙ୍କ ସମେତ ୨୦୭ ଆନ୍ତର୍ଜାତିକ ଖେଳାଳି ନିଲାମକୁ ଯାଇଛନ୍ତି । ଏହା ବ୍ୟତୀତ ସହଯୋଗୀ ରାଷ୍ଟ୍ରଗୁଡ଼ିକରୁ ୨୭ ଏବଂ ୯୬୩ ସମ୍ପୂର୍ଣ୍ଣ ନବାଗତ ଖେଳାଳି ରହିଛନ୍ତି । ସେମାନଙ୍କ ମଧ୍ୟରେ ୭୪୩ ଭାରତୀୟ ଏବଂ ୬୮ ବିଦେଶୀ ଖେଳାଳି ଅଛନ୍ତି ।