ଆଜିଠାରୁ ନବୀନଙ୍କ ୨ଦିନିଆ ବରଗଡ ଗସ୍ତ

Apr 15, 2019 - 05:34 Updated: Apr 15, 2019 - 05:34

6208

ଭୁବନେଶ୍ୱର: ନିର୍ବାଚନ ପ୍ରଚାର ପାଇଁ ଆଜିଠାରୁ ୨ ଦିନିଆ ଗସ୍ତରେ ଯିବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ। ଆଜି ବରଗଡ଼ରୁ ନବୀନ ପ୍ରଚାର କାର୍ଯ୍ୟକ୍ରମ ଆରମ୍ଭ କରିବେ। ବରଗଡ଼ ପଦ୍ମପୁର, ଶତିବାହାଲ ଏୟାର ଷ୍ଟ୍ରିପରେ ପହଂଚି ଅତାବିରାରେ ଏକ ସାଧାରଣ ସଭାରେ ଯୋଗ ଦେବେ। ପରେ ପଦ୍ମପୁର, ବଲାଙ୍ଗୀର ଓ ପାଟଣାଗଡ଼ରେ ସାଧାରଣ ସଭାରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ଏହାପରେ ବେଲପଡା ଅଭିମୁଖେ ଯିବେ ନବୀନ। ବେଲପଡାରୁ ବାହାରି କଣ୍ଟାବାଞ୍ଜି, ବଂଗୋମୁଂଡା, ହଳଦୀ, ଟିଟିଲାଗଡ଼, ବେଲଗାଁ, ସଇଁତଳା, ଦେଓଗାଁ, ଲୋଇସିଂହା, ବଲାଙ୍ଗୀର, ସାଲେଭତାକୁ ରୋଡ଼ ଶୋ’ରେ ଯିବେ। ବରଗଡ଼ରେ ଆଜି ନବୀନ ରାତ୍ରିଯାପନ କରିବାର କାର୍ଯ୍ୟକ୍ରମ ମଧ୍ୟ ରହିଛି। ଆସନ୍ତାକାଲି ବରପାଲି, ବିଜେପୁର ଆଦି ସ୍ଥାନରେ ପ୍ରଚାର କରିବେ। ରାଜ୍ୟ ସରକାରଙ୍କ ସବୁ ଯୋଜନା ବିଷୟରେ ଲୋକଙ୍କୁ ଅବଗତ କରାଇବେ।