ଉବର କପରୁ ଓହରିଲେ ଏହି ଭାରତୀୟ ବିଶ୍ୱ ଚାମ୍ପିୟନ
ଉବର କପରୁ ଓହରିଲେ ଏହି ଭାରତୀୟ ବିଶ୍ୱ ଚାମ୍ପିୟନ
admin
3870
ନୂଆଦିଲ୍ଳୀ : ଭାରତୀୟ ବ୍ୟାଡମିଣ୍ଟନ ଷ୍ଟାର ପିଭି ସିନ୍ଧୁ ଆସନ୍ତା ଉବର କପରୁ ଓହରି ଯାଇଛନ୍ତି । ଡେନମାର୍କର ଆରାହୁସରେ ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରୁ ନିଜ ନାମ ପ୍ରତ୍ୟାହାର ପାଇଁ ସିନ୍ଧୁ ଆବେଦନ କରିଛନ୍ତି । ବ୍ୟକ୍ତିଗତ କାରଣ ଦର୍ଶାଇ ସିନ୍ଧୁ ଏହି ଟୁର୍ଣ୍ଣାମେଣ୍ଟରୁ ଓହରି ଯାଇଛନ୍ତି । ତେବେ ଏହି ଟୁର୍ଣ୍ଣାମେଣ୍ଟ ପରେ ଅନୁଷ୍ଠିତ ହେବାକୁ ଥିବା ଅନ୍ୟ ଦୁଇ ଟୁର୍ଣ୍ଣାମେଣ୍ଟ ପାଇଁ ନାମ ପଞ୍ଜୀକରଣ କରିଛନ୍ତି । ଅକ୍ଟୋବର ୩-୧୧ ମଧ୍ୟରେ ଏହି ଟୁର୍ଣ୍ଣାମେଣ୍ଟ ଆୟୋଜିତ ହେବ । ଏହି ଟୁର୍ଣ୍ଣାମେଣ୍ଟ ପାଇଁ ଭାରତ ପକ୍ଷରୁ ୧୦ ଜଣିଆ ପୁରୁଷ ଏବଂ ମହିଳା ଦଳ ପଠାଯାଉଥିବା ବେଳେ ଚୀନ, ଫ୍ରାନ୍ସ ଏବଂ ଜର୍ମାନୀ ସହିତ ଗୋଟିଏ ଗ୍ରୁପରେ ରହିଛି ଭାରତ । ଏହି ଟୁର୍ଣ୍ଣାମେଣ୍ଟ ପୂର୍ବରୁ ସମସ୍ତ ଖେଳାଳିଙ୍କୁ ଏକ ଘରୋଇ ଟୁର୍ଣ୍ଣାମେଣ୍ଟରେ ଖେଳାଇବାର ନିଷ୍ପତ୍ତି ନେଇଛି ବ୍ୟାଡମିଣ୍ଟନ ଆସୋସେିଏସନ ଅଫ ଇଣ୍ଡିଆ ।
