ଏନକାଉଣ୍ଟର ମୃତକଙ୍କ ପୁଣି ପୋଷ୍ଟମର୍ଟମ
ଏନକାଉଣ୍ଟର ମୃତକଙ୍କ ପୁଣି ପୋଷ୍ଟମର୍ଟମ
admin
5197
ନୂଆଦିଲ୍ଲୀ - ତେଲେଙ୍ଗାନା ପୁଲିସ ଏନକାଉଣ୍ଟରରେ ୪ ଜଣ ଦୁଷ୍କର୍ମୀଙ୍କ ମୃତୁ୍ୟ ଘଟଣାରେ ପୁଣି ଏକ ଟ୍ୱିଷ୍ଟ ଆସିଛି । ୪ ମୃତକଙ୍କ ପୁଣି ଶବ ବ୍ୟବଚ୍ଛେଦ କରିବାକୁ ତେଲେଙ୍ଗାନା ହାଇକୋର୍ଟ ନିଦେ୍ର୍ଧଶ ଦେଇଛନ୍ତି । ବତ୍ତର୍ମାନ ୪ ଜଣ ଶବ ଗାନ୍ଧୀ ହସ୍ପିଟାଲରେ ଶବାଗାରରେ ସଂରକ୍ଷିତ ଅଛି ।
ପ୍ରକାଶ ଯେ, ହାଇଦ୍ରାବାଦ ଡାକ୍ତରାଣୀ ଦିଶା ଗଣଦୁଷ୍କର୍ମ ଏବଂ ହତ୍ୟା ଘଟଣାରେ ସମ୍ପୃକ୍ତ ଥିବା ୪ ଜଣ ଦୁଷ୍କର୍ମକାରୀଙ୍କୁ ଏନକାଉଣ୍ଟର କରିଥିଲା ପୁଲିସ । ନଭେମ୍ବର ୨୭ ତାରିଖ ରାତିରେ ଏନଏଚ-୪୪ରେ ଯେଉଁ ସ୍ଥାନରେ ମହିଳା ଡାକ୍ତରଙ୍କ ସହ ଗଣଦୁଷ୍କର୍ମ ହେଲା ସେହି ସ୍ଥାନରେ ହିଁ ତେଲେଙ୍ଗାନା ପୁଲିସ ୪ ଦୁଷ୍କର୍ମକାରୀଙ୍କୁ ଏନକାଉଣ୍ଟର କରିଥିଲା ।
ସମସ୍ତ ୪ ଅଭିଯୁକ୍ତଙ୍କୁ ପୁଲିସ ୧୦ ଦିନ ରିମାଣ୍ଡରେ ଆଣିଥିଲା । ସେମାନଙ୍କୁ ସ୍ପଟକୁ ନେଇ କ୍ରାଇମ ରିକ୍ରିଏସନ କରାଯାଉଥିଲା । ତେବେ ଏହି ସମୟରେ ଅନ୍ଧାରର ସୁଯୋଗ ନେଇ ଅଭିଯୁକ୍ତମାନେ ଖସିଯିବାକୁ ଉଦ୍ୟମ କରିଥିଲେ । ପୁଲିସ ଠାରୁ ବନ୍ଧୁକ ଛଡ଼ାଇ ନେଇ ଆକ୍ରମଣ କରିବାକୁ ଆରମ୍ଭ କରିଥିଲେ । ଅଭିଯୁକ୍ତମାନଙ୍କ ଆକ୍ରମଣରେ ୨ ଜଣ ପୁଲିସ କର୍ମଚାରୀ ଆହତ ହୋଇଥିଲେ । ଆତ୍ମସପର୍ମଣ ପାଇଁ ପୁଲିସ ଚେତାବନୀ ଦେଇଥିଲେ ହେଁ ଅଭିଯୁକ୍ତମାନେ କିଛି ବି ଶୁଣିନଥିଲେ । ଶେଷରେ ଆତ୍ମରକ୍ଷା ପାଇଁ ପୁଲିସ ଗୁଳି କରିଥିଲା ବୋଲି ସାଇଦରାବାଦ ପୁଲିସ କମିଶନର ଭିସି ସଜ୍ଜନାର କହିଥିଲେ ।
