କଫିରେ ସୌନ୍ଦର୍ଯ୍ୟ ଚର୍ଚ୍ଚା
କଫିରେ ସୌନ୍ଦର୍ଯ୍ୟ ଚର୍ଚ୍ଚା
admin
4515
ଅଧିକାଂଶ ଲୋକ ସକାଳ ଜଳଖିଆରେ କଫି ପାନୀୟ ପିଇବାକୁ ପସନ୍ଦ କରୁଥିବା ବେଳେ ଯୁବତୀ ତଥା ମହିଳାଙ୍କ ସୌନ୍ଦର୍ଯ୍ୟ ଚର୍ଚ୍ଚା ନିମନ୍ତେ ଏହା ଉପଯୋଗୀ ହୋଇଥାଏ । କଫି ଗୁଣ୍ଡ ଏକ ଉତ୍ତମ ସ୍କ୍ରବ ତଥା ପ୍ୟାକ ଭାବେ ତ୍ୱଚା ପାଇଁ କାମ କରୁଥିବାର ବିଶେଷଜ୍ଞଙ୍କ ମତ । ନିୟମିତ କଫିକୁ ସ୍ନାନ ସମୟରେ ବ୍ୟବହାର କଲେ, ଏହା ବୁ୍ୟଟି ପାର୍ଲର ଫେସିଆଲଠାରୁ ଅଧିକ କାମ କରୁଥିବାର ପ୍ରକାଶ ।
କଫିର କୌଣସି ପାଶ୍ୱର୍ ପ୍ରତିକି୍ରୟା ନଥିବା ବେଳେ ନଡ଼ିଆ ତେଲ ସହ ୨ ଚାମଚ କଫି ମିଶାଇ ଏକ ମିଶ୍ରଣ ତିଆରି କରିବେ । ହାତ, ପାଦ, ମୁହଁ ଓ ବେକ ଏସବୁ ସ୍ଥାନରେ ଏହି ପ୍ୟାକ୍ ଲଗାଇ ୧୫-୨୦ ମିନିଟ ଛାଡ଼ିଦେବେ । ପରେ ଭଲ ଭାବେ ମାଲିସ କରି ତ୍ୱଚାକୁ ନଖ ଉଷୁମ ପାଣିରେ ଧୋଇବେ । ତ୍ୱଚାରେ କୋମଳତା ନିମନ୍ତେ ଏହା ଏକ ଉତ୍ତମ ପ୍ୟାକ୍ ।
ଘରୋଇ ଉପାୟରେ କଫି ଫେସିଆଲ କଲେ, ତାହା ତ୍ୱଚାରୁ ସମସ୍ତ ଦାଗ ଦୂର କରିଥାଏ । କୌଣସି ପାର୍ଟି ପାଇଁ ସଜବାଜ ହେଉଥିଲେ କଫି ସ୍କ୍ରବ ବ୍ୟବହାର କରି ମେକଅପ କରନ୍ତୁ । ଏପରି କଲେ ତ୍ୱଚାରେ ଚମକ ଆସିଥାଏ ।
କଫି ସ୍କ୍ରବ ନିମନ୍ତେ ଆବଶ୍ୟକ ସାମଗ୍ରୀ, ଗୋଟିଏ ପାତ୍ରରେ ଏକ ଛୋଟ ଚାମଚ କଫି ଗୁଣ୍ଡ ନିଅନ୍ତୁ । ଏବେ ସେଥିରେ ଅଳ୍ପ ପରିମାଣରେ ଚାଉଳ ଗୁଣ୍ଡ ମିଶାଇବେ । ୨ ଛୋଟ ଚାମଚ କଞ୍ଚା କ୍ଷୀର, ୧ ଛୋଟ ଚାମଚ ଲେମ୍ବୁ ରସ, ୧ ଛୋଟ ଚାମଚ ମହୁ ମିଶାଇ ତ୍ୱଚାରେ ପ୍ୟାକ୍ ଭଳି ଲଗାଇ କିଛି ସମୟ ପରେ ଧୋଇ ନିଅନ୍ତୁ ।
କଫି ଗୁଣ୍ଡରେ ଅଲିଭ ତେଲ ଓ କାକୁଡ଼ି ରସ ମିଶାଇ ତ୍ୱଚାରେ ପ୍ୟାକ୍ ଭଳି ଲଗାନ୍ତୁ । ୧୫ ମିନିଟ ପରେ ପାଣି ଅଳ୍ପ ହାତରେ ନେଇ ତ୍ୱଚାରେ ମାଲିସ କରିବେ । ଏହା ପରେ ନଖ ଉଷୁମ ପାଣିରେ ଧୋଇନେବେ ।
