କରୋନା ଟୀକା ସଫଳ ନେଇ ଦାବି କଲେ ଇଟାଲୀ ବୈଜ୍ଞାନିକ
କରୋନା ଟୀକା ସଫଳ ନେଇ ଦାବି କଲେ ଇଟାଲୀ ବୈଜ୍ଞାନିକ
admin
6617
ସାରା ବିଶ୍ବରେ ଏବେ ଦ୍ରୁତ ଗତିରେ କରୋନା ବିସ୍ତାର କରିବାରେ ଲାଗିଛି । ସଂକ୍ରମିତଙ୍କ ସଂଖ୍ୟା ଯେମିତି ବଢୁଛି ମୃତକଙ୍କ ସଂଖ୍ୟା ମଧ୍ୟ ସେହିପରି ବଢି ବଢି ଚାଲିଛି । ଏମିତିରେ ବିଭିନ୍ନ ଦେଶର ବୈଜ୍ଞାନିକମାନେ କରୋନା ଭାଇରସ୍ ଟୀକା ପ୍ରସ୍ତୁତ କରିବାରେ ଲାଗିପଡିଛନ୍ତି ।
ଏହି ସମୟରେ ରୋମର ସଂକ୍ରାମକ ରୋଗ ସ୍ପାଲାନଜାନି ହସ୍ପିଟାଲରେ କରାଯାଇଥିବା ପରୀକ୍ଷଣ ଅନୁଯାୟୀ, ଇଟାଲୀର କରୋନା ଭାଇରସ୍ ଟୀକା ମୂଷାମାନଙ୍କଠାରେ ଆଣ୍ଟିବଡି ସୃଷ୍ଟି କରୁଛି ଯାହା ମନୁଷ୍ୟ କୋଷରେ କାମ କରୁଛି ।
ଔଷଧ ବିକଶିତ କରୁଥିବା ଫାର୍ମ ଟାକିସର ସିଇଓ ଲୁଇଗି ଆରିସିଚିଓ କହିଛନ୍ତି ଯେ, କରୋନା ଭାଇରସ୍ ରୋଗ (କୋଭିଡ୍-୧୯) କ୍ୟାଣ୍ଡିଡେଟ୍ ଟୀକା ପ୍ରଥମ ଥର ପାଇଁ ମନୁଷ୍ୟ କୋଷରେ ଭାଇରସକୁ ନିଷ୍କ୍ରିୟ କରୁଛି । ଇଟାଲୀରେ ସୃଷ୍ଟି ହୋଇଥିବା କ୍ୟାଣ୍ଡିଡେଟ୍ ଟୀକା ପରୀକ୍ଷା ପାଇଁ ଏହା ହେଉଛି ସବୁଠାରୁ ଉନ୍ନତ ପର୍ଯ୍ୟାୟ ବୋଲି ଆରିସିଚିଓ ଇଟାଲୀର ନ୍ୟୁଜ୍ ଏଜେନ୍ସୀ ANSAକୁ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଗ୍ରୀଷ୍ମ ଋତୁ ପରେ ଏହାର ହ୍ବୁମାନ ଟ୍ରାଏଲ ପାଇଁ ଆଶା କରାଯାଉଛି ।
ସ୍ପାଲାନଜାନି ହସ୍ପିଟାଲ କହିଛି ଯେ, ଆମେ ହେଉଛୁ ବିଶ୍ବର ପ୍ରଥମ ଯିଏକି ଗୋଟିଏ ଟୀକା ଦ୍ବାରା କରୋନା ଭାଇରସର ନିଷ୍ପ୍ରଭାବିକରଣର ପ୍ରଦର୍ଶନ କରିଛନ୍ତି । ଆମେ ମନୁଷ୍ୟମାନଙ୍କଠାରେ ମଧ୍ୟ ଏହା ଘଟିବ ବୋଲି ଆଶା କରୁଛୁ ।
ଅନ୍ୟପଟେ ଏଭଳି ସଙ୍କଟ ମଧ୍ୟରେ ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ନଫତାଲି ବେନେଟ ସୋମବାର ଦାବି କରିଥିଲେ ଯେ, ଦେଶର ବୈଜ୍ଞାନିକ ଏହି ମହାମାରୀର ଟୀକା ବାହାର କରି ଦେଇଛନ୍ତି । ଇସ୍ରାଏଲର ଯେଉଁ ଅତ୍ୟାଧୁନିକ ପ୍ରତିରକ୍ଷା ଜୈବିକ ସଂସ୍ଥା କରୋନା ଭାଇରସ୍ ଟୀକା ବାହାର କରିଛି ।
