କରୋନା ଠାରୁ ରାଜ୍ୟରେ ବଡ଼ ମହାମାରୀ ହେଉଛି ବେକାରୀ ସମସ୍ୟା : ମୋହନ ମାଝୀ
କରୋନା ଠାରୁ ରାଜ୍ୟରେ ବଡ଼ ମହାମାରୀ ହେଉଛି ବେକାରୀ ସମସ୍ୟା : ମୋହନ ମାଝୀ
admin
5862
ଭୁବନେଶ୍ୱର: ବେକାର ଯୁବକଯୁବତୀ ଭସ୍ମାସୁର ହେଲେଣି । ସରକାରଙ୍କୁ ବୁଡେ଼ଇ ଦେବେ । ଏଭଳି କହିଛନ୍ତି ବିରୋଧୀ ଦଳର ମୁଖ୍ୟ ସଚେତକ ମୋହନ ମାଝୀ ।
ସେ କହିଛନ୍ତି ଯେ, ରାଜ୍ୟରେ ପ୍ରିୟାପ୍ରୀତିରେ ନିଯୁକ୍ତି ଚାଲିଛି । କରୋନା ଠାରୁ ରାଜ୍ୟରେ ବଡ଼ ମହାମାରୀ ହେଉଛି ବେକାରୀ ସମସ୍ୟା । ୧୮ ଲକ୍ଷ ବେକାର ଥିବାବେଳେ ସରକାର ଅବସରପ୍ରାପ୍ତଙ୍କୁ ନିଯୁକ୍ତି ଦେଉଛନ୍ତି । ବେକାର ଯୁବକଯୁବତୀ ଭସ୍ମାସୁର ହେଲେଣି । ସରକାରଙ୍କୁ ବୁଡେ଼ଇ ଦେବେ । ଦକ୍ଷତା ବିକାଶ ତାଲିମ ପାଇଥିବା ପିଲାଙ୍କ ଭିତରୁ ୧୩ ପ୍ରତିଶତ ଅଯୋଗ୍ୟ । ଆମ ପିଲାଙ୍କ ଇଂରାଜୀ, ଗଣିତ, କମ୍ପୁ୍ୟଟର ଜ୍ଞାନ ନଥିବାରୁ ନିଯୁକ୍ତି ମିଳୁନି । ୧୦ ଲକ୍ଷ ପ୍ରବାସୀଙ୍କ ସ୍କିଲ ମ୍ୟାପିଂ ହେଲାନି । ନିଯୁକ୍ତି ନପାଇ ପୁଣି ଫେରିଗଲେ ବୋଲି ବିରୋଧୀ ଦଳର ମୁଖ୍ୟ ସଚେତକ ମୋହନ ମାଝୀ କହିଛନ୍ତି । ଅନ୍ୟପକ୍ଷରେ ବେକାରୀ ସମସ୍ୟା ନେଇ ଗୃହରେ ହଟ୍ଟଗୋଳ ହେବାରୁ ବାଚସ୍ପତି ସୂର୍ଯ୍ୟନାରାୟଣ ପାତ୍ର ଗୃହକୁ ଅପରାହ୍ନ ୪ଟା ପର୍ଯ୍ୟନ୍ତ ମୁଲତବୀ ଘୋଷଣା କରିଛନ୍ତି ।
