କରୋନା ଯୋଗୁଁ ଦିନ ବେଳେ କର୍ଫୁ୍ୟ ଲାଗିପାରେ : ସ୍ୱାସ୍ଥ୍ୟମନ୍ତ୍ରୀ
କରୋନା ଯୋଗୁଁ ଦିନ ବେଳେ କର୍ଫୁ୍ୟ ଲାଗିପାରେ : ସ୍ୱାସ୍ଥ୍ୟମନ୍ତ୍ରୀ
admin
4901
ଭୁବନେଶ୍ୱର: କର୍ଫୁ୍ୟ ନେଇ ରବିବାର ବାଚସ୍ପତି ସୂର୍ଯ୍ୟନାରାୟଣ ପାତ୍ର କହିଥିବା କଥାକୁ ସ୍ୱାସ୍ଥ୍ୟମନ୍ତ୍ରୀ ନବ ଦାସ ସୋମବାର ଦୋହରାଇଛନ୍ତି । ବାଚସ୍ପତିଙ୍କ ପରି ସମାନ ମତ ରଖିଛନ୍ତି ସ୍ୱାସ୍ଥ୍ୟମନ୍ତ୍ରୀ । ରାଜ୍ୟରେ ଆବଶ୍ୟକ ପଡ଼ିଲେ ଦିନ ବେଳା କର୍ଫୁ୍ୟ ଲାଗୁ ହେବ ବୋଲି ନବ ଦାଶ କହିଛନ୍ତି ।
ସେ କହିଛନ୍ତି ଯେ, ସୀମାବର୍ତ୍ତୀ ଅଞ୍ଚଳରେ ଆମ ପର୍ଯ୍ୟବେକ୍ଷକ ଗସ୍ତ କରୁଛନ୍ତି । ଶିକ୍ଷାନୁଷ୍ଠାନ, ଷ୍ଟେସନ ଓ ବିମାନବବନ୍ଦରରୁ ପଜିଟିଭ ବାହାରିଲାଣି । ଦରକାର ପଡ଼ିଲେ ରାତ୍ରି କର୍ଫୁ୍ୟ ପାଇଁ ଜିଲ୍ଲାପାଳମାନଙ୍କୁ ନିଦେ୍ର୍ଧଶ ଦିଆଯାଇଥିବା ସ୍ୱାସ୍ଥ୍ୟମନ୍ତ୍ରୀ ନବ ଦାସ କହିଛନ୍ତି ।
ପ୍ରକାଶ ଯେ, ରବିବାର ରାଜ୍ୟର କରୋନା ପରିସ୍ଥିତି ନେଇ ବାଚସ୍ପତି ସୂର୍ଯ୍ୟନାରାୟଣ ପାତ୍ର କହୁ କହୁ ଏକ ବଡ଼ କଥା କହିଥିଲେ । କରୋନା ପରିସ୍ଥିତି ନେଇ ରାଜ୍ୟର ୧୦ଟି ଜିଲ୍ଲାରେ ନାଇଟ କର୍ଫୁ୍ୟ ସମ୍ପର୍କରେ ଘୋଷଣା କରାଯାଇଥିବାବେଳେ ଏଣିକି ରାଜ୍ୟରେ ଦିନବେଳେ କର୍ଫୁ୍ୟ ଲାଗୁ ହୋଇପାରେ ବୋଲି ବାଚସ୍ପତି କହିଥିଲେ । ଆସନ୍ତା ୪/୫ ଦିନ ମଧ୍ୟରେ ଦିନରେ କର୍ଫୁ୍ୟ ଲାଗୁ ହୋଇପାରେ । ରାଜ୍ୟରେ କରୋନା ସଂକ୍ରମଣ ବଢୁଥିବାରୁ ଏହି ନିଷ୍ପତ୍ତି ନିଆଯାଇପାରେ । ଖାଲି ସେତିକି ନୁହେଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଅନୁଧ୍ୟାନ କରୁଥିବା ବାଚସ୍ପତି ଶ୍ରୀ ପାତ୍ର କହିଥିଲେ ।
ତେବେ ପରେ ଏସଆରସି ରାଜ୍ୟରେ ଦିନ ବେଳା କର୍ଫୁ୍ୟ ଲାଗୁ ହେବ ନାହିଁ ବୋଲି କହିଥିଲେ । ରାଜ୍ୟରେ କରୋନା ସ୍ଥିତି ନିୟନ୍ତ୍ରଣରେ ରହିଛି । ଦିନ କର୍ଫ୍ୟୁ ଲାଗିବ ନାହିଁ । କୋଭିଡ ସ୍ଥିତି ଉପରେ ରାଜ୍ୟ ସରକାର ସତର୍କ ଦୃଷ୍ଟି ରଖିଛନ୍ତି । ଏଥିସହ କୋଭିଡ ଗାଇଡଲାଇନ କଡାକଡି ଭାବେ ପାଳନ କରିବାକୁ କହିଥିଲେ ଏସଆରସି ।
