କାଶ୍ମୀରରେ ୩ ଯବାନ ସହିଦ, ୨ ଆତଙ୍କବାଦୀ ନିପାତ
କାଶ୍ମୀରରେ ୩ ଯବାନ ସହିଦ, ୨ ଆତଙ୍କବାଦୀ ନିପାତ
admin
3402
ଶ୍ରୀନଗର: ଜମ୍ମୁ କାଶ୍ମୀର ବାରମୂଲ୍ଲା ଜିଲ୍ଲାର କ୍ରେଇରୀ ଅଞ୍ଚଳରେ ଆତଙ୍କବାଦୀମାନେ ସୁରକ୍ଷା ବଳ ଉପରେ ଆକ୍ରମଣ କରିଛନ୍ତି । ଏଥିରେ ଜଣେ ପୁଲିସ ଅଫିସରଙ୍କ ସମେତ ୨ ସିଆରପିଏଫ ଯବାନ ସହିତ ହୋଇଛନ୍ତି । ଆକ୍ରମଣ ପରେ ଆତଙ୍କବାଦୀମାନେ ସେଠାରୁ ପଳାୟନ କରିବାକୁ ଚେଷ୍ଟା କରିଥିଲେ । କିନ୍ତୁ ସୁରକ୍ଷା ବଳ ସ୍ଥାନୀୟ ଅଞ୍ଚଳକୁ ଘେରାଉ କରି ସର୍ଚ୍ଚ ଅପରେସନ ଆରମ୍ଭ କରିଦେଇଥିଲେ । ସର୍ଚ୍ଚ ଅପରେସନ ସମୟରେ ୨ ଜଣ ଆତଙ୍କବାଦୀ ନିପାତ ହୋଇଛି । ସେମାନଙ୍କ ମଧ୍ୟରେ ଲସ୍କର କମାଣ୍ଡର ସଜାଦ ଓରଫ ହାଇଦର ରହିଛି । ଅନ୍ୟ କିଛି ଆତଙ୍କୀ ଖସି ପଳାଇବାରେ ସକ୍ଷମ ହୋଇଛନ୍ତି । ଆତଙ୍କୀଙ୍କ ସନ୍ଧାନ ପାଇଁ ଏକ ସନ୍ଧାନୀ କୁକୁର ବ୍ୟବହାର କରାଯାଇଥିଲା । ଏହି ଆକ୍ରମଣ ପଛରେ ଲସ୍କର-ଇ-ତୋଇବାର ହାତ ରହିଥିବା ସନେ୍ଦହ କରାଯାଉଛି । ଏହାପୂର୍ବରୁ ଶୁକ୍ରବାର ଆତଙ୍କୀ ଶ୍ରୀନଗର ନୌଗାମ ବାଇପାସ ଅଞ୍ଚଳରେ ପୁଲିସ ଉପରକୁ ଆକ୍ରମଣ କରିଥିଲେ । ଏଥିରେ ୨ ପୁଲିସ କର୍ମୀ ସହିଦ ହୋଇ ଯାଇଥିଲେ । ଉକ୍ତ ଆକ୍ରମଣ ପଛରେ ଜୈସ ଏ ମହମ୍ମଦ ଆତଙ୍କୀ ସଂଗଠନର ହାତ ରହିଥିବା ଜମ୍ମୁ କାଶ୍ମୀର ଆଇଜି ବିଜୟ କୁମାର ସୂଚନା ଦେଇଥିଲେ ।
