କେବେ ରାଜ୍ୟକୁ ଆସିବ କୋଭାକ୍ସିନ, କୋଭାକ୍ସିନ ଟିକା ନେବାକୁ ଅନେଇ ବସିଛନ୍ତି ହିତାଧିକାରୀ
କେବେ ରାଜ୍ୟକୁ ଆସିବ କୋଭାକ୍ସିନ, କୋଭାକ୍ସିନ ଟିକା ନେବାକୁ ଅନେଇ ବସିଛନ୍ତି ହିତାଧିକାରୀ
admin
ଭୁବନେଶ୍ୱର: ରାଜ୍ୟକୁ କେବେ ଆସିବ କୋଭାକ୍ସିନ ଟିକା? କେବେ ଟିକା ନେବେ କୋଭାକ୍ସିନ ହିତାଧିକାରୀ? କୋଭାକ୍ସିନ ଭିତାଧିକାରୀଙ୍କ ପାଇଁ ଟିକା ପାଇବା ନେଇ ଅନିଶ୍ଚିତତା ଭିତରେ ରହିଛି । କେନ୍ଦ୍ର ସରକାର କୋଭିସିଲ୍ଡ ହିତାଧିକାରୀଙ୍କ ଲାଗି ଟିକା ପଠାଇଛନ୍ତି । ହେଲେ କୋଭାକ୍ସିନ ହିତାଧିକାରୀଙ୍କୁ ଟିକା ପ୍ରଦାନରେ ଅଣଦେଖା କରୁଥିବା ଅଭିଯୋଗ ହୋଇଛି । ରାଜ୍ୟକୁ କେବେ ଟିକା ଆସିବ ସେନେଇ କେନ୍ଦ୍ର ସରକାର କିଛି ସ୍ପଷ୍ଟ କରିନାହାନ୍ତି । ଆଉ ଏପଟେ କୋଭାକ୍ସିନ ଟିକା ନେବାକୁ ହିତାଧିକାରୀ ଅନେଇ ବସିଛନ୍ତି ।
ଗତ ୧୮ ତାରିଖରେ କେନ୍ଦ୍ର ସରକାର କେବଳ କୋଭିସିଲ୍ଡ ହିତାଧିକାରୀଙ୍କ ପାଇଁ ୧ଲକ୍ଷ ଟିକା ପଠାଇଥିଲେ । ରାଜ୍ୟରେ ଟିକାକରଣ କାର୍ଯ୍ୟକ୍ରମ ପଞ୍ଚମ ଦିନରେ ପହଞ୍ଚିଛି । କେବଳ ପୂର୍ବରୁ କୋଭିସିଲ୍ଡ ଟିକା ନେଇଥିବା ହିତାଧିକାରୀ ଟିକାକରଣ କାର୍ଯ୍ୟକ୍ରମରେ ସାମିଲ ଅଛନ୍ତି । ରବିବାର ରାଜ୍ୟରେ ୧୧୨ଟିକା କେନ୍ଦ୍ରରେ ଟିକାକରଣ କାର୍ଯ୍ୟକ୍ରମ ଜାରି ରହିଛି । ସେହିଦିନ ମୋଟ ୮ ହଜାର ୭୩୭ଜଣ ଟିକା ନେଇଛନ୍ତି । ପ୍ରଥମ ଡେ଼ାଜ ୧୦୨୨ଜଣ ନେଇଛନ୍ତି । ଆଉ ବୁଷ୍ଟର ଡୋଜ ୭ହଜାର ୬୮୮ ନେଇଛନ୍ତି ।
