କୋଭିଡ ପୀଡ଼ିତାଙ୍କୁ ଆମ୍ବୁଲାନ୍ସରେ ଦୁଷ୍କର୍ମ

Sep 7, 2020 - 10:25 Updated: Sep 7, 2020 - 10:25

5564

ତିରୁଅନନ୍ତପୁରମ: କେନ୍ଦ୍ରୀୟ କେରଳର ପଠାନାମଥିଟ୍ଟା ଜିଲ୍ଲାରେ ଜଣେ କରୋନା ଭୂତାଣୁ ଆକ୍ରାନ୍ତ ମହିଳାଙ୍କୁ ଡାକ୍ତରଖାନା ନେବା ବାଟରେ ସମ୍ପୃକ୍ତ ଆମ୍ବୁଲାନ୍ସ ଚାଳକ ଦୁଷ୍କର୍ମ କରିବା ଘଟଣାର ଆଲୋଡନ ସୃଷ୍ଟି କରିଛି । ଅଭିଯୁକ୍ତକୁ ପୁଲିସ ଗିରଫ କରିଥିବା ବେଳେ ଏହାକୁ କେନ୍ଦ୍ର କରି କେରଳରେ ରାଜନୈତିକ ହଟଚମଟ ଦେଖାଦେଇଛି । ସୂଚନା ଅନୁଯାୟୀ ମହାଭାରୀ କୋଭିଡ-୧୯ ଦ୍ୱାରା ଗୋଟିଏ ପରିବାରର ଦୁଇ ଜଣ ମହିଳା ଆକ୍ରାନ୍ତ ହୋଇଥିବା ଜଣାପଡ଼ିବାରୁ ସେମାନଙ୍କୁ ଏକ ଆମ୍ବୁଲାନ୍ସ ଯୋଗେ ନିକଟସ୍ଥ କୋଭିଡ ଚିକିତ୍ସା କେନ୍ଦ୍ରକୁ ନିଆଯାଇଥିଲା । ରାଜ୍ୟ ସରକାରଙ୍କ ବିଧି ବ୍ୟବସ୍ଥା ଅନୁସାରେ ସେମାନଙ୍କ ସାଙ୍ଗରେ କେହି ପରିବାର ଲୋକ ନଥିଳେ । ତେବେ ସେମାନଙ୍କ ଭିତରୁ ଜଣେ ଉକ୍ତ କୋଭିଡ ଚିକିତ୍ସା କେନ୍ଦ୍ରରେ ଭିର୍ତ୍ତି ହୋଇଥିବା ବେଳେ ଡାକ୍ତରଙ୍କ ପରାମଶ କ୍ରମେ ଦ୍ୱିତୀୟ ମହିଳା (୨୨ ବର୍ଷ) ଙ୍କୁ ସେଠାରୁ ୪ କିମି ଦୂର ଅନ୍ୟ ଏକ ଡାକ୍ତରଖାନାକୁ ଉକ୍ତ ଆମ୍ବୁଲାନ୍ସରେ ପଠାଯାଇଥିଲା । ବାଟରେ ଏକ ନିର୍ଜନ ସ୍ଥାନରେ ଚାଳକ ଜଣକ ଆମ୍ବୁଲାନ୍ସ ଅଟକାଇ ସମ୍ପୃକ୍ତ ମହିଳାଙ୍କୁ ଦୁଷ୍କର୍ମ କରିଥିଲେ ଏବଂ କାହାକୁ ଏ ବିଷୟରେ କିଛି କହିଲେ ମ ଜୀବନରେ ମାରିଦେବାକୁ ଧମକ ମଧ୍ୟ ଦେଇଥିଲେ । ତେବେ ଡାକ୍ତରଖାନାରେ ପହଞ୍ଚିବା ପରେ ମହିଳା ଜଣଙ୍କ ଡାକ୍ତରଙ୍କୁ ସବୁ କଥା କହିଥିଲେ । ପରେ ଡାକ୍ତରୀ ମାଇନାରୁ ମହିଳାଙ୍କ ସହ ବଳାକ୍ରାର ହୋଇଥିବା ସ୍ପଷ୍ଟ ହୋଇଥିଲା ।