ଜମ୍ମୁ କାଶ୍ମୀରରୁ ୧୦ ହଜାର ଯବାନ ଫେରାଇବା ନେଇ ସରକାରଙ୍କ ଘୋଷଣା
ଜମ୍ମୁ କାଶ୍ମୀରରୁ ୧୦ ହଜାର ଯବାନ ଫେରାଇବା ନେଇ ସରକାରଙ୍କ ଘୋଷଣା
admin
6688
ନୂଆଦିଲ୍ଲୀ : ବୁଧବାର କେନ୍ଦ୍ର ସରକାରଙ୍କ ପକ୍ଷରୁ ଏକ ବଡ ଘୋଷଣା କରାଯାଇଛି । ଜମ୍ମୁ କାଶ୍ମୀରରେ ମୁତୟନ ରହିଥିବା ୧୦ ହଜାର ଯବାନଙ୍କୁ ଫେରେଇ ଆଣିବା ପାଇଁ ଘୋଷଣା କରାଯାଇଛି । ଜମ୍ମୁ କାଶ୍ମୀରରୁ ଧାରା ୩୭୦ର ଉଚ୍ଛେଦର ଏକ ବର୍ଷ ପୁରିବା ପରେ ଆଜି କେନ୍ଦ୍ର ସରକାରଙ୍କ ପକ୍ଷରୁ ଏହି ଘୋଷଣା କରାଯାଇଛି । ୧୦୦ କମ୍ପାନୀ ଯବାନଙ୍କୁ ତୁରନ୍ତ ନିଜ ବେସ କ୍ୟାମ୍ପରେ ଯୋଗ ଦେବା ପାଇଁ ନିଦେ୍ର୍ଧଶ ଦିଆଯାଇଛି । ଏହା ମଧ୍ୟରେ ୪୦ କମ୍ପାନୀ ସିଆରପିଏଫ୍ ଯବାନ ରହିଥିବା ବେଳେ ୨୦ କମ୍ପାନୀ ଲେଖାଏଁ ସିଆଇଏସଏଫ୍, ବିଏସ୍ଏଫ୍ ଏବଂ ସଶସ୍ତ୍ର ସୀମା ବଳର ଯବାନ ରହିଛନ୍ତି । ଚଳିତ ସପ୍ତାହ ଶେଷ ସୁଦ୍ଧା ଏହି ଯବାନ ମାନେ ନିଜ ବେସ କ୍ୟାମ୍ପକୁ ଫେରିଯିବେ ବୋଲି ଜଣାପଡିଛି । ଉଲ୍ଲେଖଯୋଗ୍ୟ ଯେ, ଧାରା ୩୭୦ ଉଚ୍ଛେଦ କାରଣରୁ ଜମ୍ମୁ କାଶ୍ମୀରରେ ଏହି ଯବାନ ମାନଙ୍କୁ ମୁତୟନ କରାଯାଇଥିଲା ।
