ଜିନପିଙ୍ଗଙ୍କୁ ବିରୋଧ କଲେ ଫାଶୀ
ଜିନପିଙ୍ଗଙ୍କୁ ବିରୋଧ କଲେ ଫାଶୀ
admin
2559
ବେଜିଂ : ଚୀନର ପୂର୍ବତନ ପ୍ରମୁଖ ବ୍ୟାଙ୍କ ପରିଚାଳକ ଲାଇ ସାଓମିନଙ୍କୁ ଲାଞ୍ଚ ଅଭିଯୋଗରେ ଫାଶି ଦଣ୍ଡାଦେଶ ହୋଇଛି । କମ୍ୟୁନିଷ୍ଟ ପାର୍ଟିର ଏହି ପୁର୍ବତନ ସଦସ୍ୟଙ୍କ ବିରୋଧରେ ୨୬୦ ନିୟୁତ ଡଲାର ଲାଞ୍ଚ ନେଇଥିବା ଅଭିଯୋଗ ହୋଇଥିଲା । ବିଚାରବେଳେ ସେ ଏହି ଅଭିଯୋଗକୁ ସ୍ୱୀକାର କରିଛନ୍ତି । ସାଓମିନଙ୍କ ସ୍ୱୀକାରୋକ୍ତି ଆଧାରରେ ସେ ବାସ କରୁଥିବା ଆପାର୍ଟମେଣ୍ଟରୁ ବିପୁଳ ପରିମାଣରେ ଅର୍ଥ ଜବତ ହୋଇଛି । ସାଓମିନ ଚୀନ ହୁଆରୋଙ୍ଗ ଆସେଟ ମାନେଜମେଣ୍ଟ କର୍ପୋରେସନ ଅଧ୍ୟଯ ଭାବେ କାର୍ଯ୍ୟ କରିଥିଲେ । ଏହା ହେଉଛି ଚୀନର ଅଗ୍ରଣୀ ବ୍ୟାଙ୍କ । ଅଧ୍ୟକ୍ଷ ଥିବା ବେଳେ କ୍ଷମତାର ଅପବ୍ୟବହାର କରି ସେ ୨୦୦୯ରୁ ୨୦୧୮ ମଧ୍ୟରେ ବିପୁଳ ଅର୍ଥ ଆତ୍ମସାତ କରିଥିଲେ ବୋଲି ତିଆନଜିନ ଅଦାଲତ ରାୟ ଦେଇଛି । କେବଳ ସେତିକି ନୁହେଁ ସେ ବେଆଇନ ଭାବେ ଏକାଧିକ ସ୍ତ୍ରୀ ରଖିବା ସହ ବହୁ ସନ୍ତାନଙ୍କ ଜନକ ହୋଇଥବା ଜଣାପଡିଛି । ଅପର ପକ୍ଷରେ ରାଷ୍ଟ୍ରପତି ସି ଜିନପିଙ୍ଗଙ୍କର ସେ ସମାଲୋଚକ ଭାବେ ପରିଚିତ ଥିବାରୁ ତାଙ୍କୁ ଫସାଇ ଦିଆଯାଇଥିବା ଚର୍ଚ୍ଚା ହେଉଛି । ଜିନପାଙ୍ଗଙ୍କ ଦୁର୍ନିତି ବିରୋଧୀ ଅଭିଯାନ ଆଳରେ ତାଙ୍କର ସମସ୍ତ ବିରୋଧିଙ୍କୁ ଏଭଳି ଭାବରେ ଦମନ କରୁଥିବା କୁହାଯାଇଛି ।
