ଜେଡ଼ିୟୂରେ ମିଶିଲେ ବିହାର ପୂର୍ବତନ ଡିଜିପି ଗୁପ୍ତେଶ୍ୱର ପାଣ୍ଡେ
ଜେଡ଼ିୟୂରେ ମିଶିଲେ ବିହାର ପୂର୍ବତନ ଡିଜିପି ଗୁପ୍ତେଶ୍ୱର ପାଣ୍ଡେ
admin
3074
ପାଟଣା : ସୁଶାନ୍ତ ସିଂହ ରାଜପୁତଙ୍କ ମୃତୁ୍ୟ ପରେ ପରେ ବେଶ ଚର୍ଚ୍ଚାକୁ ଆସିଥିଲେ ବିହାର ଡିଜିପି ଗୁପ୍ତେଶ୍ୱର ପାଣ୍ଡେ । ମୁମ୍ବାଇ ପୁଲିସକୁ କଠୋର ସମାଲୋଚନା କରି ଚର୍ଚ୍ଚାରେ ଥିବା ଶ୍ରୀ ପାଣ୍ଡେ ନିକଟରେ ଚାକିରୀରୁ ସ୍ୱେଚ୍ଛାକୃତ ଅବସର ନେଇଥିଲେ । ସେବେଠାରୁ ସେ ରାଜନୀତିରେ ଯୋଗଦେବା ନେଇ ଚର୍ଚ୍ଚା ଜୋର ଧରିଥିଲା । ଆଜି ସେହି ଚର୍ଚ୍ଚାର ଅବସାନ ଘଟିଛି । ବିହାରର ଶାସକ ଦଳ ଜେଡ଼ିୟୂରେ ସାମିଲ ହୋଇଛନ୍ତି ଗୁପ୍ତେଶ୍ୱର ପାଣ୍ଡେ । ଚଳିତ ବିଧାନସଭା ନିର୍ବାଚନରେ ବି ସେ ପ୍ରାର୍ଥୀ ହେବେବୋଲି ଜୋରଦାର ଚର୍ଚ୍ଚା ଆରମ୍ଭ ହୋଇଯାଇଛି । ତେବେ ସେ ବିଜେପିରେ ସାମିଲ ନହୋଇ କାହିଁକି ଜେଡ଼ିୟୂକୁ ବାଛିଲେ ତାହାକୁ ନେଇ ରାଜନୀତିକ ମହଲରେ ଚର୍ଚ୍ଚା ଜୋରଦାର ହେଉଛି ।
ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ବାସଭବନରେ ସେ ବିଧିବଦ୍ଧ ଭାବେ ଜେଡ଼ିୟୂରେ ସାମିଲ ହେବା ସହ ରାଜନୀତିରେ ପାଦ ଥାପିଛନ୍ତି । ନିଜ ଜିଲ୍ଲା ବକ୍ସରରୁ ସେ ନିର୍ବାଚନ ଲଢ଼ିବେ ବୋଲି କୁହାଯାଉଛି ।
